街市買餸要找續清楚！一名港媽發文訴說，外傭日前打風過後到街市購買2斤菜和6枝粟米，被收取82元，她懷疑檔主秤多了，當面質問對方時，一時解釋秤多了，後來又有另一番解釋，令網民質疑檔主存心瞞騙，但都有人質疑外傭有可疑。
同場加映：
一名女網民本周日（8日）在Facebook群組「將軍澳主場」中發帖，表示外傭當天到尚德街市購買1斤油麥菜、1斤唐生菜和6枝粟米，外傭傳來單據指金額合共82元，事主以為打風過後菜價提升，前去街市時特地去視察菜價，發現唐生菜標價為10元一斤、油麥菜8元一斤、粟米8元一枝，遂向檔主了解是否秤多了。
對此，事主指僱主應提醒外傭去買餸時要小心，「有時買餸真係好多人㗎，我哋都算好彩，一問肥妹，佢就即刻記得自己係收多咗1支粟米。佢堅持話秤多咗畀姐姐，唔排除姐姐喺街市返屋企途中攞咗啲菜嚟食，因為我見到真係得1斤」。
點擊圖片放大
網民：明呃人 VS 打斧頭
帖文曝光後，有網民質疑檔主存心騙人，「咁都得，明呃人」、「記得咁清楚呀，即係擺明啦」、「我都試過叫姐姐去買雞中翼，但街市商販騙佢哋，收$30得10隻雞中翼，我叫下次去超級市場買一袋仲平！」；但都有網民懷疑外傭「打斧頭」，藉此向僱主取回較多錢，「有舖頭特登開大單畀姐姐，等姐姐『打斧頭』幫襯佢哋」、「你家中的姐姐是『斧頭幫』會員吧」、「我反而覺得姐姐唔老實，街市好多時開大單畀姐姐claim多啲錢」。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Beauty from Nature自研美極緻水光肌精華！↓
↓ 迅速舒緩肌膚缺水問題！肌膚變得細膩、淨白同緊緻有彈性！↓
📣全新《Chill賞遊世界企劃🌏》！
↓ 簡單登記，贏走超市現金券💰／免費機票✈️↓
