內地「美誠月餅」被爆出疑似為「假香港品牌」引熱議，事情發展撲朔迷離之際，出名抽水快靚正的IKEA宜家家居就未放過這個好機會，於社交平台發佈帖文抽水兼宣傳自家月餅，搞鬼圖文更令一班網民讚好，表示「抽到水塘都乾晒啦」、「小編要加人工」。
IKEA抽水內地美誠月餅
IKEA宜家家居於社交平台發佈帖文，內容疑似抽水近日內地的「美誠月餅」風波。IKEA小編更模仿中國直播主的口吻，寫道「老鐵們（捲脷）、小榴哥推介大家嚟IKEA搶下榴冰皮月餅/迷你月餅」等字句，更hashtag「真貨嚟」抽擊「假貨」風波，非常搶口搞鬼。
點擊圖片放大
網民大讚抽得快靚正
抽水帖文一出，一班網民紛紛表示今次IKEA小編抽得快靚正，更有留言表示「我唔食榴連都要俾個like」、亦吸引光榮飲食小編留言「抽水界黎講，小弟真係甘拜下風」。當然還有為小編爭取加人工的評論：「最強小編，實至名歸！」。
美誠月餅風波一文睇
近日中國人氣直播主「瘋狂小楊哥」推出一款名為「美誠月餅」的月餅，更主打香港品牌為一大賣點，銷量一度衝破半億人民幣，無線電視總經理曾志偉早前更於直播間現身「瘋狂小楊哥」旗下三隻羊集團香港分公司的開幕禮。不過「美誠月餅」最近竟被爆出疑似為「假香港品牌」，曾志偉接受傳媒訪問時更一度拒絕回應。
來源：IKEA 宜家家居
」，
App內睇文同睇片可隨時捕捉U Fun彩蛋，
換領現金券及禮品！
↓【U Jetso】召集運動愛好者！↓
↓ 一齊參與呢個運動主題盛會！↓
↓【限時搶⚡】美獅鋒味搖滾美食節2024雙人電子門票！↓
↓ 呈獻超過20款特色環球創意料理 / 匯聚多位亞洲人氣歌手！↓
