淘寶好物：雪櫃膠邊老化吸力差致漏風 港男$27訂製膠邊自行拆換

一名男網民曾在Facebook群組「淘寶開心share」中發帖，表示家中雪櫃使用多時，門邊的膠邊經已老化「唔夠吸力」，有時會出現「漏風」情況，令雪櫃內部不夠冷。他遂花費24.5人民幣（約27港元）、從網購平台「淘寶」購買數條全新訂製的膠邊再自行更換，形容「1個鐘內換好，效果幾好」。

+2

點擊圖片放大

對於安裝技巧，事主建議可先在小抽屜邊上練習，「先用手逐個按實四角位，再逐步按直位」，裝上後用風筒吹1至2分鐘，吹軟不夠貼服的部分或折痕位。

網民：舊年已經換了

帖文曝光後，不少網民都有意更換家中雪櫃膠邊，並向事主求教更換方法，亦有人分享自己的經驗，「求分享link（連結），thx（謝謝）」、「難換嗎？請問要有甚麼技巧？」、「舊膠邊點樣拆？」、「好叻呀！請教點樣換、要有技巧嗎？」、「我都想換咗佢，成日關唔實雪櫃，入邊有倒汗水，請問點樣甩條膠邊出嚟？」、「我也換了，省咗成千元」、「之前試過換，用2、3星期後又係唔掂，最後都係要買新雪櫃」、「舊年已經換了雪櫃膠邊，效果幾好 ，聯絡客服，佢會教你點做，同埋知乜嘢型號， 會有視頻（影片）教你安裝」。