張致恒（Steven）上周四突然在社交平台出POST求救，指因地盤開工不足想問人借錢，引起了網民的廣泛討論。沒想到，同為地盤工人的吳浩康（Deep）亦有關注事件，日前受訪時吳浩康主動為張致恒解圍，指身邊有很多建築工友都開工不足，同時透露自己樂意為張致恒介紹工作手。
吳浩康承認經濟已改善 樂意為Steven介紹工作
自從離開英皇娛樂後，吳浩康身兼多職，除了地盤工作、兼職教唱歌外，近日連演藝工作也變多了，繼早前遠赴澳洲街頭表演，日前又出席了港鐵45周年嘉年華，現場獻唱多首歌曲，炒熱全場氣氛，工作行程非常忙碌。
當日吳浩康受訪時，透露自己的經濟狀況已得到改善，「其實經濟狀況同工作狀況都已經改善好多，多謝大家關心！」當談到張致恒經濟問題，吳浩康則表示近期社會經濟差，身邊有很多建築工友都開工不足，相信Steven也是受影響的一份子，迫於無奈之下才會再度於網上開口求助，並表示自己樂意為他介紹工作，「我同Steven都係男人，關係同友情一般都係對方有需要先開口，我就睇點配合。（會唔會介紹佢開工？）如果客人有興趣，我都會介紹比佢。」
Steven呻開工不足想問網民借錢
昨日（26日），Steven突然在IG限時動態上發文求救，坦言自己因開工不足，導致收入不足以應付家庭開支，「認真想問下有冇人可以幫幫手」，似乎是張氏一家再度面臨經濟問題。
網民唔信：唔見阿deep話開工不足
但大多網民看後都表示不相信，紛紛推測他開工不足的原因，「開唔足工，唔識返炒散？」、「點解開工不足，懶囉」、「唔見阿deep話開工不足」，有網民笑稱是「乞食經濟」，並表示「一日見到佢有玩ig，即係仲未有事」。
雯雯用4字形容現時狀況
而老婆雯雯亦有出Post，不過內容中完全沒有提及老公張致恒，文中僅僅提到她深刻體會「人情冷暖」這四個字的意涵，並表示「我唔會諗 大家攬炒！」
張致恒曾洗心革面 重建正面好爸爸形象？
早前張致恒考獲平安卡做職安真漢子，到地盤開工自食其力，又獲得參加電影試鏡的機會，看起來是洗心革面，扚起心肝養家糊口。今月初，Steven更在IG晒出為細仔張天樂慶祝1歲生日的家庭大合照，重新建立正面、好爸爸形象。
照片中，Steven與太太雯雯正在照顧4名小朋友，似乎相當吃力，身為一家之主的他更有感而發，並在帖文中寫道：「張天樂一歲生日啦 ， 呢張相就係我哋平時嘅生活寫照，四個仔真係好難搞，根本冇可能可以正常影到一張相，但係可以照顧一個屋企係我嘅福份，我鍾意呢一份熱鬧，雖然係辛苦，但係總好過唔知為乜生存！」
雯雯隨後發文炮轟 撕破Steven好爸爸形象
事隔不到幾日，張致恒卻被老婆雯雯撕破了好爸爸形象，發文力數他懶理生病的三子張天朗，直言「我靜咗咁耐，又出嚟發癲」，更透露Steven在兒子生病時冷漠說出一句「佢宜家仲有呼吸咪得。」
來源：IG@ugly__mama、IG@stevencheung、LIHKG討論區
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】美獅鋒味搖滾美食節2024雙人電子門票！↓
↓ 呈獻超過20款特色環球創意料理 / 匯聚多位亞洲人氣歌手！↓
↓【限時搶⚡】moonwell尊貴花膠食療系列養生燉湯！↓
↓ 無添加、真材實料滋補養生燉湯！↓
