TVB《中年好聲音3之大灣區新馬PK戰》最新一集繼續大灣區與新馬區PK戰最後激鬥，本集輪到大灣區抽籤，對戰陣容如下：梁文君《紅茶館》VS尤詩郡《當愛已成往事》、高菲《愛上一個不回家的人》VS陳麗寶《月光愛人》、潘紹麟《愛在記憶中找你》VS關霈靈《高山低谷》、林立鋒《我應該》VS何平秋《酒矸倘賣嘸》、伍耀東《藍雨》VS蔡靜婷《陀飛輪》。
中年好聲音3｜高菲紮頭新形象
男兒身卻擁天籟女聲的5燈選手高菲，早已被看高一線，今集他跳出舒適圈獻唱《愛上一個不回家的人》向難度挑戰，卻被張佳添直指三級跳未能好好駕馭：「走出舒適圈係要，但唔係一走走到咁遠，咁就會好唔舒適。」不過添Sir最後補了一句：「感情幫你攞到好多分。」
中年好聲音3｜梁文君衰「冇人性」被狠批似AI
.首對PK組合是新馬區3燈選手尤詩郡對決大灣區5燈選手梁文君，梁文君之前獻唱《歸來吧》展現歌唱實力，今次同樣獻唱陳慧嫻歌曲—《紅茶館》，不過就被伍仲衡狠批唱功似足AI「冇人性」：「Crescendo要畀番啲人性，唔好咁冷血，次次長音都係咁，就真係好AI！」周國豐則點評她雖然唱出少女情懷，但就演繹得過份似陳慧嫻版本……
而對手尤詩郡則將14年單親媽媽故事帶到舞台，一度唱至眼泛淚光，獲周國豐大讚將難度極高的李宗盛歌曲處理得相當有感情：「你正正畀到嗰種兩個好深愛，但最終唔可以行埋一齊，從你歌聲裡面感覺得到。」不過評語可謂好壞參半，肥媽和曾路得則點評有唱功卻揀錯key。
中年好聲音3｜潘紹麟搣甩囂張態度
另一位5燈選手潘紹麟，上回因得意忘形狂搞gag，惹來評審巫啟賢不滿；今次明顯收斂搣甩囂張態度，只唱歌不說話，獲肥媽大讚：「唔講嘢，唱歌真係幾好架！」向來評分嚴格的「左右門神」周國豐和伍仲衡，同樣給予潘紹麟好評，周國豐大讚：「演繹好穩打穩紮，唯一要挑剔係（把聲）太林峯。」而伍仲衡則激讚：「我覺得你有排玩，你有自己style！不過上次我同另一位參賽者講有排玩，下一個round就走咗，所以你唔好當真。」周國豐聞言笑指他咀咒人，場面爆笑。
中年好聲音3｜何平秋獲讚是《中3》的李佳
至於曾為歌手的何平秋，本回表現亦值得關注，獲張佳添大讚「技術性擊倒」，更形容她是《中3》的李佳（《中年好聲音》第一季亞軍）：「你仲有好多空間去進步，但呢隻歌的確唱得好。」伍仲衡亦讚：「好多人唱過，但你零舍有風格，style呢樣嘢，有就有就冇架喇，所以你都有排玩！」
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】Care Bears™ x Grace Gift 人氣聯名系列🎀
↓ 帶走小熊CAP帽／半月包／中筒襪等單品🔥↓
↓【限時搶⚡】CheckCheckCin原箱蜜桃紙包米水！↓
↓ 助您補益氣血、養陰生津！↓
