Sica何洛瑤21年參加《全民造星IV》後正式出道，憑住可愛又搞笑形象，深得一眾粉絲歡心，去年推出首支個人單曲《天氣之女》兼捧走新人獎，星途一路看漲。早前Sica宣布年底在麥花臣開騷，惟門票售價引發爭議，不少網友嫌門票定價太高，紛紛表示「唔好去搶？」、「麥花臣你開紅館價」，而Sica亦有對此回應，她以4字回應並落力狂sell「真係正呀！」
何洛瑤Sica香港演唱會2024｜演出日子
何洛瑤（Sica）第一個SOLO專場《The Wonder of sica 屎卡の奇幻旅程》，將於2024年12月5日在麥花臣場館舉行。今次門票價位以機艙概念劃分，票價分為First class $1280（地面企位）、Business Class $1080（地面企位）、Economy Class $880 （地面企位/坐位）/ Economy Light $680（坐位）。
網民嫌門票價錢太貴：唔好去搶？
雖然First class、Business Class觀眾可優先入場、享有官方周邊專屬排隊區，其中First class還可以與Sica合照的福利。但門票定價仍然嚇親網民，不少人指出以往麥花臣騷門票最貴都只不過是$880，而且花費4位數仍然是企位，簡直是韓星級價錢，「痴X線，麥花臣你開紅館價」、「麥當娜開麥花臣都唔敢開1280掛？、「平時麥花臣show包括band show最貴先880蚊」。
延伸閱讀：
亦有網民發現，日本創作歌手藤井風恰巧跟Sica同日開騷，紛紛留言「嘩，同藤井風撞期喎」、「一定蝕到見骨」，更有網友留言寫道「好開心見到你開show，我嚟唔到，買咗藤井風」。
▼網民點講▼
Sica以4字大方回應 親揭麥花臣騷成本好高
日前Sica現身ViuTV《CHILL CLUB Thai Pop Festival Event》記者會時，親自為麥花臣騷門票定價解畫，當時她以「見仁見智」4字回應，指自己平日睇騷都會買VIP門票，她笑言「我自己追星都好闊佬！」隨後Sica又指如果真的未能負擔，大家亦可以買$680、$880門票，可以選擇企位或者坐位。
同時，Sica透露今次開騷成本好高，加上又邀請了她很喜歡的Live Band一同演出，大讚買票入場絕對是物超所值。雖然VIP票價中只包括與她合照，但Sica解釋這個環節可以讓粉絲與她近距離傾偈，並賣力表示「哇，真係正呀！」
其實早前Sica亦曾在IG上就門票定價一事作出回應，當時她表示「今次喺麥花臣，我真是想搞好多花臣」，除了找來樂隊，她透露演唱會周邊都會由自己親手設計，同時又強調自己會好好練習，「對得住呢個價錢」。
Sica演唱會優先票開賣 $1280門票一開賣被搶光
雖然被網友嫌門票太貴，但Sica仍有不少忠實粉絲支持，今日（16日）Sica演唱會在The Club開放會員優先購票，其中$1280門票一開賣即被搶光，有連登仔以「又燈！Sica演唱會$1280秒清！」為題發帖，並配文寫道「又話啲飛貴，結果又俾人買晒」。短短數小時，帖文已吸引過百網友留言，有人表示「遲左，買唔到了」，但亦有網友笑稱「靜啦！再燈就連出面都企滿人架啦」。
▼Sica演唱The Club優先購票▼
來源：IG@j.sicasi、YT@Viu1 HK、LIHKG討論區
G.E.M.豪華坐私人飛機
鄧紫棋不時會在社交平台分享日常，與粉絲互動，她日前就在IG上載乘搭私人飛機的照片，並配文：「My mobile office today.The story of Gloria and Evan is coming alive.💜」相片中見G.E.M.一身悠閒裝扮，戴上黑超，在私人飛機坐位上一邊嘆蛋糕，一邊不忘用電腦工作，極chill姿態讓大批網民羨慕不已。
被指炫富 惹正極兩評
鄧紫棋晒豪華私人飛機行為，引起網民熱烈討論，有人羨慕有人恨，有網民認為G.E.M.是在炫富，故意展現自己的奢華生活：「使唔使搭私人飛機，擺明係炫富」、「扮日常真炫富」、「曬命就曬命啦」；但亦有網民認為G.E.M只是展現日常生活，讓大家不要多想：「會唔會諗多咗」、「有私人飛機好正常，人哋一年搵幾億呀」、「咁呢個真係人地嘅日常生活吖嘛」。
鄧紫棋IG感性發文惹揣測
早前鄧紫棋突然於個人IG上大發感性文章，概嘆時間倒數中，更發問「如果有一天 我消失不見」等字句，令網民猜測是否代表有高峰隱退的想法？鄧紫棋的感性發文以一張天空照片為背景，不過鄧紫棋突然發現此文，尤其第一句的「如果有一天 我消失不見」引發無數網民猜想，到底為何要突然作出這樣的假設？
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】卡樂B Jagabee茄汁味波浪薯條！↓
↓ 酸酸甜甜，香脆可口！↓
↓【限時搶⚡】moonwell尊貴花膠食療系列養生燉湯！↓
↓ 無添加、真材實料滋補養生燉湯！↓
