現年50歲的前港姐季軍吳文忻 Nathaliie（現改名吳忻熹）， 2011年結婚生女後淡出娛樂圈，今年8月自揭乳癌復發擴散至淋巴再度曝光於大眾面前。Nathaliie接受電台《星光背後》節目專訪，詳細憶述兩年前首度確診乳癌，因為免家人擔心，曾一直隱瞞獨自面治療的經歷。吳文忻又澄清改名為吳忻熹，並非因外界所指求子心切，全是因為曾被指人生有一大劫。
訪問中，吳文忻談及2013年改名為吳忻熹，她澄清並非因外界所指求子心切，改名全是因為曾被指人生有一大劫...
吳文忻免除化療痛苦煎熬
吳文忻於節目中指8月開始曾接受3次化療，但治療副作用令她飽受痛苦煎熬，「第一次之後返到屋企，骨痛痛到攤係沙發郁唔到，當時心諗：『第一次已經咁辛苦，咁仲有年幾我點捱？』三次療程痛苦難捱，但她承認化療的確有顯著效果。但自從8月公開抗癌日誌後，Nathaliie意想不到體會人間溫暖，除了獲得八方鼓勵，經友人介紹，選擇暫停化療，赴泰國接受另類治療法（免疫治療），免除化療痛苦煎熬，亦感到治療露曙光。
吳文忻治療露出曙光
由絕望崩潰變振作公開病情，間接令治療露出曙光，Nathaliie分享癌症復發帶來的感悟，道：「之前第一次化療後咳得好勁，講嘢每一句都咳。呢個療法嘅概念完全唔同，係增強自身嘅免疫細胞。」問及另類療法要多少時間能見證效果，Nathaliie欣慰指：「大概3個月至半年就會知有冇效，佢哋有個機器可以check到癌指數，已經由13跌到去11，都係要之後再睇report。半年後都會叫我照多次，double confirm成個身體係冇晒癌細胞，跟住之後就完架喇。」
吳文忻拒絕全切乳房
吳文忻現在積極樂觀，但回想兩年前最初病發，她坦言震驚得腦袋空白，「聽唔到醫生講咩，佢講所有嘢我都聽唔入耳，前後我睇咗3個醫生，但都唔係好聽到人哋講咩。好迷茫，好驚。」她坦言兩年前至今年8月，一直怕嚇壞家人隱瞞病況，心態上更想逃避治療，「兩年前淨係切癌組織，醫生建議全切（左邊乳房）一了百了，因為根據佢經驗多數都會復發，我個時梗係接受唔到啦，單邊喎，接受唔到囉。」
吳文忻逆境獲得領悟
直到今年癌症復發，Nathaliie反而從逆境獲得領悟，「知道復發絕對有聯想過死亡兩個字，但亦令我反思。其實cancer唔會突然就有，一定係長時間累積了問題，例如生活習慣，或者心情唔好，冇好好照顧自己嘅心靈。我覺得係一個反思畀自己諗返有咩出錯咗令自己有呢個病。」吳文忻又披露正計劃出版抗癌書籍，以生命影響生命，鼓勵一眾患病同路。
吳文忻計劃出版抗癌書籍
Nathaliie更披露跨越這次難關後，正計劃出版抗癌書籍，會將經歷紀錄出書，以生命影響生命，鼓勵一眾患病同路。Nathaliie希望夥其他曾患癌的藝人出版一本書或籌辦一個慈善影展，將籌得善款予抗癌慈善機構。談未來心願，她表示除了身體健康，可以陪伴兩女長大外，更加想鼓勵有需要的同路人。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
