TVB台慶劇《黑色月光》除了楊茜堯久違回巢備受關注之外，相隔24年再演TVB劇的尹揚明（尹佬）同樣讓觀眾期待。今次尹揚明飾演角色「蔣哲賢」，劇中以一身濃密的白髮加金絲眼鏡的造型，令人印象深刻。
黑色月光｜尹揚明相隔24年再演 TVB 劇
飾演蔣哲賢的尹揚明，憑《古惑仔》電影系列的「韓賓」角色深入民心，並於 2000 年拍攝無綫劇集《醫神華佗》後，已足足24年沒有參與無綫劇集拍攝。其實尹佬一直不諱言隨時有機會重返無綫演出劇集，他曾表示：「我係演員，條件啱大家有共識，啱嘅故事，角色就拍。」並坦言自己對角色很有要求。
黑色月光｜尹揚明角色蔣哲賢
據知今次是監製主動出擊說服尹揚明相隔24載再參演TVB劇集，而且二人的洽淡近乎是一拍即合，鍾澍佳總監製受訪時說：「今次呢個反派係一個比較複雜嘅角色，對尹佬嚟講都係一個幾大嘅挑戰，佢都有興趣想試吓，加上咁多年冇喺無綫同觀眾見面，咪大家一齊玩吓咯，所以好快就傾掂咗。」
黑色月光｜尹揚明反派形象
尹揚明飾演的蔣哲賢，與郭鋒在劇中有不少對手戲，二人時而老友、時而敵對，相當有睇頭。而尹佬除了演技獲得肯定，其一身濃密的白髮加金絲眼鏡的造型，亦獲得高度評價，有網民笑言：「真的和漫畫裏的韓賓太搭了。」
尹揚明於第10集還展現了其他方面的好演技，對著敗家衰仔，氣至吹鬚睩眼的尹揚明一吓「手指指狠樣」已殺氣十足；而當得悉新抱卓慧雲（林夏薇飾）佗B時，極級慈祥樣盡顯的尹揚明，又能瞬間分神兇走身邊「不識趣」的旁人，演技多元別具層次。在劇中大男人兼霸氣無限的尹揚明，現實生活中原來是暖男一名，據與尹佬演夫妻的文雪兒Candy透露，尹佬私下相當貼心，知道Candy容易暈車浪，每次上車都會讓Candy先坐在舒適的位置。
劇中飾演商人的尹佬，現實中亦是生意人，盛傳坐擁千萬身家，之前尹佬在抖音上發布了兩條駕駛古董勞斯萊斯到中山出席開幕剪綵活動的影片便引起極大迴響。根據資料，尹佬自減少幕前演出後，除替哥哥管理骨灰龕公司，亦有涉足餐飲界，百足咁多爪。
早年憑在電影《古惑仔》系列中飾演有情有義黑幫大佬「韓賓」人氣急升的尹佬，入行前曾做過炮仗廠、五金廠等工作，當中不乏粗重活如運送石油氣，曾弗到要處理一百斤重的粗威吔也面不改容，相當捱得。
問到成功生意人心得，尹佬謙虛又實在地表示：「我覺得做生意最重要講誠信，賺到錢的生意都是拍檔做到位，我只是從旁協助、齊心合力。正所謂力不到不為財，盡力而為吧。（感恩合十加咖啡Emoji）」問到相隔24年返回無綫拍劇感受，尹佬坦言「梗係好玩啦」：「同一班舊同事一齊玩，工作量又唔多，只是返工和回家路程遠一點，一開車上落就一個半小時，好在有足夠休息時間，非常正。」
尹佬雖已年屆66歲，但在劇中說對白時比很多後生仔還有中氣，尤其發惡場口，聲音更響亮至有回音程度，談到保持聲音響亮秘訣，尹揚明笑言：「從小我把聲都很響亮，中氣十足，可能是一直有運動關係吧，閒時一路開車一邊聽歌，跟住唱吓，會對中氣有幫助啩。」表現隨和又幽默。
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【免費送💝】ghd限量冰藍美髮造型夾✨
↓一機兩用 雙效熱風造型！↓
