茶餐廳一份乾炒牛河$40起就食到，但賣3位數字的牛河你又信不信呢？近日有網民在Facebook香港茶餐廳及美食關注組發帖指「乾炒牛河+ 例牌燒鵝 +可樂 = $654.50」，並分享收據。從收據中可見例牌燒鵝$300、可樂$30，但一份乾炒牛河就賣$260，竟與燒鵝只相差$40！雖然餐廳在機場，但仍令一眾網民大為震驚，直指「貧窮限制了想像」。
機場驚現天價乾炒牛河
近日有網民在Facebook香港茶餐廳及美食關注組發帖，疑似分享自己離港前的晚餐，配文「乾炒牛河+ 例牌燒鵝 +可樂 = $654.50」。雖然餐廳位於香港機場，不過售價仍令一眾網民驚呼離譜表示「貧窮限制了想像」，但也有一些網民認為餐廳標明售價樓主仍「落單」只是想炫富。
▼ 餐廳收據 ▼
從收據中可見，例牌燒鵝為$300，可樂$30，乾炒牛河售價為$260。雖然驟眼睇似索價不菲，不過事主惠顧的餐廳為曾榮獲米芝蓮推介的鏞記，作為富豪飯堂，定價較一般茶記高亦是正常。
點擊圖片放大
網民震驚指「貧窮限制了想像」
帖子引來一眾網民討論，大部份網民都被乾炒牛河的價值震驚，直言「貧窮限制了想像」、「睇完張單嘅價錢真係好震驚」、「如果係我食呢餐.... 我會懷疑人生」、「明明可以搶，佢係都要比碟牛河同例牌燒鵝」和「我去開啲餐餐頂籠都係12,13蚊」。不過亦有網民指出鏞記身為香港老治號加上又在機場，貴是預計到的，懷疑樓主在「炫富」、「還要是在機場，佢想晒佢有錢吧」、「今次我覺得唔關架餐廳事，名碼實價」。亦有網民認為「如果遊客嚟香港第一餐喺呢度食，會覺得之後其他餐廳會好抵。」
來源︰Facebook@香港茶餐廳及美食關注組、鏞記
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
