TVB台慶劇《黑色月光》持續熱播，來到第三集播出，女主角楊茜堯在劇中終於三姊妹出場，與大家姐楊卓娜、細妹黃翠如同場，這更是楊茜堯與楊卓娜這對「真姊妹」入行超過20年以來，首次於劇集中以姊妹檔形式，飾演一對姊妹，二人罕有同場已經齊齊飆戲。
昨晚（30日）一集，真姊妹楊茜堯及楊卓娜的同框演出亦備受矚目，根據資料，二人是首度同框飾演姊妹，而且更是冤家型姊妹。其實漫星（楊卓娜/葉蒨文分飾）與滿月（楊茜堯/廖慧儀分飾）原本感情要好，但因滿月及妹妹曦晨（黃翠如/區明妙分飾）於18年前遭逢不幸，事件令余家家破人亡，更因招惹閒言令漫星婚事告吹。為此事耿耿於懷的漫星，對滿月既是怨恨亦不無愧疚，態度自然惡劣，二人關係而因而愈走愈遠。這一集講到大家姐楊卓娜與楊茜堯回到細妹黃翠如的屋企，三姊妹同場少不了小爭執，楊卓娜就與楊茜堯發生拗撬，因而奪門而去。中氣十足的楊卓娜就吵到七情上面，而楊茜堯就安撫家姐情緒。
楊茜堯與家姐楊卓娜入行同樣20多年，但二人從未曾在同一部劇集中同場演出，今次在《黑色月光》中更親姊妹上陣，戲裡戲 外都是一對姊妹。見到兩姊妹今次同場演戲，不少觀眾都覺得畫面非常有意思。出名好戲的楊卓娜，一邊強忍淚水、一邊痛心大罵楊茜堯，句句撐到行之餘，眉頭眼額亦演活了角色的十三點又帶點潑辣單純的性格，更獲網民盛讚嘈交嘈得有火花。
對於奉旨與親妹妹楊茜堯嘈交，楊卓娜受訪時坦言拍攝前沒有與茜堯作任何溝通：「大家都係跟住個角色去，一埋位已經知道係點（做），我哋都好有默契。（有冇鬧出真火？）我哋分得好清現實同戲劇，絕對唔會有hard feeling。」問到二人現實中曾否試過激烈爭吵，楊卓娜笑言：「當然有試過嘈交，但唔會有咩激烈爭吵，最多都係大家頂兩句，同埋我都唔識鬧人嘅。」
睇埋：黑色月光劇情｜第四集 (10/31)
十八年前，振強奉哲賢之命處理掉滿月、曦晨；如今振強再次受命於文海，跟蹤調查滿月。滿月為部署復仇大計，早已偷偷接近振強的兒子莫家朗，並成為好友。文海暗中撤走滿月在寶鐷建設的公關職務，滿月轉為接近慧雲，力求取得其信任。寶鐷建設將會啟動舊區重建計劃，哲賢決定交由基俊負責，基俊答應全力以赴。慧雲想穩住蔣太之位，希望懷上基俊的孩子，卻被基俊侮辱回絕，慧雲憶起往事……慧雲在私人會所遇上永源，二人一同賭錢散心。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
