繁忙時段港鐵人多擠逼，難免發生碰撞，近日有網民於社交平台以「發揮咗廣東粗口嘅精髓」為題上傳一段影片，片中疑因大叔踩到女子的腳而發生爭執，雙方互相爆粗對罵，女子直接指罵「畀你踩X倒唔X你呀？」，大叔亦不輸蝕回應「我企向度呀，我搞你呀，你吹X漲呀？」，影片上傳後引來一眾網民討論，網民大讚女子頭腦好，直言是「教科書級數既車箱罵戰」，另有網民因片主1舉動逗笑，即睇下文了解事件經過。
港鐵車廂疑因踩腳發生口角 女子與大叔爭執狂爆粗
近日有網民於Facebook的HongKong Friends專頁上以「發揮咗廣東粗口嘅精髓」為題上傳一段影片，片中疑因大叔踩到女子的腳，而發生口角雙方互相爆粗互鬧。
▼ 帖子 ▼
影片總長2分31秒，列車正向牛頭角站行駛，車廂內女子正與大男爭執，女子大罵「你隻腳頂X住我啦已經，踏X住晒！」，大叔大聲回應「咩X嘢者，你依家嘈咩X嘢者！」，女子再大罵指「畀你踩X倒唔X你呀？咁你行X開啲啦，唔好再踢到我呀我話你聽。」，大叔回應「我唔行開呀，我企向度呀，我搞你呀，你吹X漲呀？」。
▼ 影片截圖 ▼
當列車駛至牛頭角站時，拍片者為有更好的拍攝角度，便下車走往另一邊的車廂，繼續拍攝，港女繼續狂鬧大叔「踩X倒你仲X人，仲咁X樣態度？聲大得㗎啦？」、「我生出嚟就畀你踩架？」，大叔則回應「我出嚟畀你X架？畀你嘈㗎？」，女子回應「你唔踩我就咪唔會X你囉，因果關係嚟㗎，知唔知乜X嘢係因果關係呀，返去讀多幾年書啦」，對此大叔則表示自己沒有讀書，女子就罵「係啦，我睇得出啦，做人基本態度啦，踩到人就係要對唔住架啦，呢啲基本禮貌嚟㗎……狗踩到人都識夾住條尾走開啦」，大叔回應「我唔係狗嚟！」，女子聽聞笑言「吓...無咩分別喎」，隨後旁邊的乘客出面勸架幫大叔向港女道歉「算啦算啦小事啫，退一步海闊天空」，爭執才得以平息，車廂恢復平靜。
網民大讚女子頭腦好 形容為「教科書級數既車箱罵戰」
影片引來網民熱議，網民大讚女子轉數快又邏輯好，形容為「教科書級數既車箱罵戰」，指「我覺得個女仔頭腦好清晰又冷靜」、「個女仔以前讀書係咪辯論隊」、「能夠真正用口不動手真心勁呢條女」、「個女人轉數幾快」、「條女，好順口，有讀過吓書喎」和「呢位女士好利害句句中point冇多冇少」。
另外，亦有不少網民稱讚片主轉角度拍攝，笑言「片主好鬼八卦，走左再入番去近距離繼續拍」、「片主真係要讚吓，為咗大家有更近距離嘅視覺效果特登出去行去隔離」、「最鬼馬係導演採用多角度拍攝」和「攝記抵讚, 兜個圈搵個靚位再影」。
圖片及資料來源︰Facebook@Hong Kong Friends
」，
App內睇文同睇片可隨時捕捉U Fun彩蛋，
換領現金券及禮品！
↓ 《社群狂歡大激賞》玩盡2024！↓
↓送主題樂園丶室內遊樂場門票及人氣系列袋款等！↓
↓【限時搶⚡】卡樂B Jagabee茄汁味波浪薯條！↓
↓ 酸酸甜甜，香脆可口！↓
