買車都有對照表，收入不足$1萬都有好選擇？最近內地網上瘋傳一張「人工買車對照表」，分析不同收入水平的買車選擇。相關圖片被轉發分享至本地討論區，引起極大迴響，有港人看後驚訝不已，紛紛表示「3000人工都養車」、「點養得起架」；但亦有網友認為毋須大驚小怪，並列出2原因力證「呢個比例係大陸就得」！
內地網上瘋傳「人工買車對照表」月薪2萬買歐洲進口車？
最近內地社交平台上瘋傳一張圖片，寫道「你的月薪該配甚麼車」，分析了不同收入水平的買車選擇，詳情如下圖：
▼人工買車對照表▼
圖中列出各收入水平的買車選擇，以上大多是為歐洲進口車、國產車，月薪2萬元人民幣以上已經可以買Tesla、BMW、平治Mercedes-Benz等等進口車，至於月薪3千元至1.5萬元人民幣人士，其選擇大多為國產車，如比亞迪BYD、五菱、小米等品牌。
網友驚訝：唔覺得養得掂
相關圖片亦被轉發分享至本地討論區，不少網友看到這張「人工買車對照表」後驚訝不已，紛紛留言表示「1萬蚊人仔樓下都養到車」、「月薪四千點養得起架BYD」、「3000人工都養車」、「搵緊8萬，唔覺得養得掂（保時捷Porsche）718」。
港人列2原因力證「真係好易養」
有港人則指出，汽車在內地本來就是必需品，加上其養車成本比香港低，因此月薪3千元人民幣絕對可以買得起汽車，實在毋須太過大驚小怪，「人地泊車可以唔洗錢」、「油又平，泊車又平，連架車都平」、「大陸養車平好多」。
港人續指，雖然地理上與內地相鄰，但香港情況偏偏相反，「香港月租泊位已經過3000」、「（內地）搵8萬儲7萬，香港搵8萬儲4萬，點同」、「香港（養車）10倍起」，紛紛慨嘆香港「養車」不容易，這張對照表亦只能適用於內地人士。
▼網友留言▼
來源：LIHKG討論區
窮港男網上徵免費私家車借用 稱減咗買車開支就應付到？網友建議咁做....
早前有網友以匿名方式在Facebook群組「泊車優惠及收費情報區（香港）」中發帖，指自己最近「租左幾次車，發現真係好鍾意揸車」，但由於本身學歷不高、不是讀專科，其工作收入又養唔起車，故發文詢問「有無師兄會有多部車唔用可以俾我揸」，他在文中表明會負責該車輛的保養維修，最後還說了一句「如果減左買車既開支，應該可以應付得來」。
雖然原帖文很快已被樓主刪走，但早已有其他網友截圖該帖文並在其他Facebook群組再次上載，引起一眾網民熱議。不少網民看到帖文後紛紛留言嘲諷，「有幾部車嘅人唔會慳保養錢」、「咁嘅智商難怪學歷唔高」、「學歷唔高都賴埋，建議唔好買車，讀下書先」、「養唔起車，但又保養起架車？」
當中也有許多網友認為「香港地買車容易養車難」，紛紛留言「養車先貴wo」、「保養維修可能會貴過部車」、「停車場油錢 抄牌保養維修呢條數先係肉」，並建議樓主嘗試應徵做司機、車行職員等工作，可以揸車之餘又有錢賺，「去做車行/整車囉 大把機會揸下車」、「泊車仔大把車揸」、「去做2手車行sales 乜都揸得」、「咁鐘意揸咪租架貨van去做gogovan，洗乜上網問人」、「揸的士，掂曬！保養都唔使，交租就得」、「揸的士巴士小巴都得啦」、「轉行做司機，日日有車揸，又有人養車同養你」、「咁鐘意揸車，不如應徵做司機，又有車揸又有錢收」。
另外亦有網友笑稱「佢老婆係咪徵緊花膠嗰個」，其後更以該則帖文為藍本，稱要徵獨立屋、薪水、女朋友，「有無人有多個單位唔住可以俾我住住先，我會負責保養。如果減左買樓既開支，應該可以應付得來」、「有無女朋友/人妻可以租借，我會負責保養」、「我都好喜歡出糧的感覺，無奈只有時間翻一份工，有冇師兄可以將份糧轉黎我戶口到出」。
延伸閱讀：窮港男網上徵免費私家車借用 稱減咗買車開支就應付到？網友建議咁做....
公屋戶除特別需要應禁止買車？港男：有$5000養車霸住公屋做乜
有網民在連登討論區上以「覺唔覺公屋L應該要批准先可以買車？」為題發文，分享自己對公屋租戶買車的看法。該網民認為公屋租戶應獲批准方可買車，除非有工作或生活需要，例如早出晚歸沒公共交通、需接送老人或殘疾人士。他續指：「香港交通工具咁方便買乜車? 有錢買車養車仲乜唔出去做jojo/供供?（租樓／供樓）」
有網友認同樓主睇法，認為若租戶可以負責$5-6000養車，即有一定經濟能力，「霸住間公屋做乜？」亦有網友補充去旅行同理，「落房署辦事處申請完先比去。」現時公屋平均租金為$2,200，有人直言：「有咩人窮到個個月$2000屋租住幾年都冇錢儲？根本住公屋要設期限，3-5年好走啦，住公屋期間好似破產咁唔俾高消費，冇得去旅行搭的士。」
有網友總結公屋租戶應參考過渡性房屋設居住期限，年期屆滿就要選擇買居屋或私人市場。有人建議在期限屆滿後，住戶應在私人市場「過冷河」之後方可再申請公屋。亦有網民提議每住滿5年租金翻倍，增加租戶向私人市場流動的誘因。
有網民認為公屋住戶享用了社會福利，應該有義務回饋社會，例如負責清潔及打掃自己屋邨。
有網民則認為可以禁止擁有車輛，但不應限制外遊，「人身自由任何階層都要有嘅 可能係去探親 揾男女朋友 睇定後路 擴濶眼界 唔一定去嘆世界。」此外，網民認為公共屋邨早設計好交通配套，「即係你往得公屋一定有公共交通到達」，因此車輛非必需品。
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
