TVB台慶劇《巾幗梟雄之懸崖》播出兩星期，飾演七爺心腹阿儀的莊思明演出備受好評，無論是卑鄙無恥地冤枉十七、不可一世地玩十七、或是背叛七爺後自己因妒忌十七喊到眼淚鼻涕，都演繹到位，要衰格有衰格、要不甘有不甘，難怪獲網民讚演技脫胎換骨。
莊思明受訪時感謝監製為她Hold住方儀這個角色長達數年：「好感恩可以遇到呢個角色，其實《巾幗4》籌備咗好耐，最初籌備時監製已經話留咗呢個角色畀我，佢覺得好啱我，我最多謝佢經歷咗幾年後都冇動搖（呢個決定）、堅持將角色留畀我，我好感動。」
莊思明又額外感激助理總經理（戲劇製作）曾勵珍2020年將她再一次帶返《愛‧回家》：「我入行第一套劇就係第一代嘅《愛‧回家》，當時我仲係好幼嫰，好慶幸嗰時已經有晴晴呢個角色令觀眾認識我；今次珍姐再次將我帶返去《愛‧回家》，令我有機會將另一面呈現畀觀眾睇，感恩珍姐喺我演藝路上不斷畀機會我同栽培我。其實之前離開《愛‧回家》後，我都經歷咗一啲低潮期，試過成九個月到一年冇嘢做。」
莊思明笑言自己看第八集時也忍不住落淚，並感激祥哥及定欣幫忙帶她入戲：「定欣喺我喊戲度幫咗我好多，佢係好好嘅對手，佢有啲肢體動作好犀利，例如佢會喺啲好準嘅位度掂一掂我，我就會忍唔到（喊）架喇。談到角色造型瀏海勁特別，莊思明笑言靈感來自櫥窗公仔：「佢哋搵咗好多Reference，係20-30年代嘅百貨公司廚窗公仔。藝術總監劉世運好犀利，佢冇見過我哋本人，齋睇相就已經幫到我哋構思最適合嘅造型。」
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
