近日有網民於社交平台上發佈一段影片指1名大媽「食野唔比錢」，片中大媽不斷爆喊，更一度情緒激動爆粗狂鬧「你個死XX呀！」和「你打啦！你打啦！」，食客一度嘲諷「真係淋漓盡致呀」、「都無眼淚嘅」，影片引來大批網民討論，網民嘲諷大媽「演技略嫌浮誇」，更發現大媽配戴珠鏈，同時教食店店主1招KO「白食」客，即睇下文了解事件經過！
大媽疑食霸王餐被發現 爆粗狂喊呻可憐
近日有網民於Facebook香港突發事故報料區及討論區群組上發文，指1名大媽食霸王餐，更「份（扮）哂野」並上傳影片。
▼ 帖子 ▼
影片片長2分21秒，影片一開始大媽便一邊擦眼淚一邊大喊「你真係XX呀，等天收呀！」，一旁食客不禁嘲諷「真係淋漓盡致呀」，期間大媽跟店外黑衣男爭執大叫「我無錢比？」，更一度情緒激動不停重複「你個死XX呀！」，一邊悲鳴痛哭，食客再嘲諷「食嘢唔比錢仲要咁惡」，大媽持續大哭並拍大髀指「你個臭男人指住我呢度呀，死臭男人呀！」，稱不滿被黑衣男指臉頰大罵「我X你XX個XX，你問差人囉」，「我X你XX個XX，你邊個呀？」，更突然大叫「你打啦！你打啦！」，食店職員連忙勸阻「唔好嘈唔好嘈」。
▼ 影片截圖 ▼
一旁女食客質疑大媽「都無眼淚嘅」，大媽維持哭腔「我帶住細路仔！」，女食客嘲諷「真係慘囉，好淒涼囉」，大媽回應「係呀，啲人好衰格㗎，睇唔起我呢啲大陸嚟㗎」，女食客指「你都無揞住個良心」，大媽則回復哭腔大罵「你咁XX嘅，XX呀！」女食客持續嘲諷「夠唔夠呀你張紙巾？」，大媽突然摸向私處「你唔好咁衰格啦，你打係呢度囉，XX呀」，「我出嚟食嘢又唔係無錢比，點解咁衰㗎」，女食客表示「全部有閉路電視㗎」，大媽則哭著指「我個細路喊，我先行去果邊㗎嘛」，女食客質疑「你解釋呀？」，大媽表示「係呀，你唔好咁衰啦」，女食客再嘲「做咩解釋啫，唔洗解釋啦」，大媽沒有再回應但仍保持哭腔，轉身出店外後便停止哭泣處理嬰兒車，影片到此結束。
網民嘲「演技略嫌浮誇」 教食店老闆1招KO
影片引來網民熱烈討論，大批網民嘲諷大媽指「演技略嫌浮誇」、「戲一定做足」、「喊咗咁耐，張紙巾仲係咁乾」、「冇眼淚既喂」和「喊得咁假 霞姨點比飯盒佢啊…」，形容大媽「人無恥，便無敵」，有眼利的網民發現大媽配戴珠鏈表示「睇佢條珠鏈都應該值1萬幾千啦」，網友則回應指「又如何，面皮厚，賤格同佢有幾多身家無關。」。另有網民教食店老闆應直接報警，指「千其唔好同佢嘈，一嘈你就輸，報警一了百了」。
食「霸王餐」可被罰監禁3年
根據香港法例第210章《盜竊罪條例》第18C條「不付款而離去罪」，任何人明知須為任何已供應的貨品或已提供的服務即場付款，或明知被預期須為該等貨品或服務即場付款，而不誠實地離去，並無如所須般或被預期般付款，意圖逃避支付應付的款項，即屬犯罪，循公訴程序定罪後，可處監禁3年。
圖片及資料來源︰盜竊罪條例, 香港突發事故報料區及討論區
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【免費送💝】ghd限量冰藍美髮造型夾✨
↓一機兩用 雙效熱風造型！↓
