近日港產片《破·地獄》在全港掀起話題，除了電影劇情贏盡掌聲，亦有不少港人對於破地獄師傅、殯儀業各種職位的薪酬感到好奇！早前討論區上，就有港人以「做破地獄師傅一個月搵到幾多？」為題發文，帖文隨即引起熱烈討論，留言中更有不少人分享這行業的薪酬內幕，當中包括破地獄師傅、吹啲打、搬搬抬抬師傅仔等，透露每月人工至少有呢個數？
破地獄師傅一個月搵到幾多？
昨日（12日）LIHKG討論區上，有港人以破地獄師傅的薪酬作出討論，他個人認為這行業「應該搵唔少」，並在文中詢問各大網友「一個月有冇3萬？」
部分網友認為已成夕陽行業？
帖文很快引起關注，短短一日已吸引過百網友留言，有部分人認為破地獄師傅早已是「夕陽行業」，如今收入不復當年，「越嚟越少人做鐵一般事實」、「年輕一代仲有幾多人信呢啲」、「做法事係要選日子擇吉日」，並指出殯儀業不是大家想像中的薪酬高、工作穩定。
▼網友點講▼
網友估計搵唔少：搬搬抬抬師傅仔都帶勞力士
但亦有網友持不同意見，指出殯儀業薪酬向來可觀，而且幾乎全年無休，收入當然豐厚，「你幾時見過靈堂會靜過1日？」、「靈堂生意係講緊日日爆哂位喎」、「新冠果期幾旺場，有成十幾廿萬一個月，成班又買車又買樓」；當中更有網友留意到，從事殯儀業的人大多身光頸靚，名車、名錶、名牌掛滿身上，看起來相當富有。
破地獄師傅人工隨時過百萬？
對於破地獄師傅人工實際有多少，不少網友都估計他們的薪酬分分鐘過百萬，「跳Last Dance喎，起碼7皮」、「1星期都唔止3萬依條數啦」、「2日跑2場，5個人分，啱啱入職既，一個月都50k+，大師傅過百萬」。留言中，更有不少網友分享其朋友從事殯儀業的薪酬內幕，當中一位疑似是破地獄師傅的網友留言，他透露：「疫情嗰期，日日跳到腳痛，6位數基本」。
▼網友點講▼
▼網友分享從事殯儀業薪酬內幕▼
網友列2大難入行原因 提醒小心「有錢冇命享」
殯儀業為厭惡性行業，卻經常被描繪成入行門檻低、「錢途無限」的工種，特別是電影《破地獄》上映後，吸引了不少年輕人有意叩門入行。不過，大多數網民都認為要入行絕非容易的事，「正常係唔會搵街外人」、「入行要斷六親，又多規矩潛規則」、「唔夾真係會死於非命」、「唔受街外人玩」。
原因1. 多數為家族生意、世襲承傳或師徒制
原因2. 要考膽量、夾八字
來源：LIHKG討論區、電影《破 · 地獄》
殯儀館公開招聘海上撤灰助理 網上掀討論
位於紅磡的東華三院萬國殯儀館，自1974年起由東華三院董事局籌建，及後於1980年正式啟用，至今已有逾40年歷史，為廣大市民及不同宗教信仰人士提供直接殯儀諮詢、預算及喪葬安排。殯儀館最近突然罕有地公開招聘「海上撤灰助理（海葬）」臨時工，有網民在Threads留意到該機構於10月16日刊登招聘廣告，隨即掀起討論。
記者再翻查有關求職網站，截至今日（23日）止，有關廣告仍然刊登中。另外，根據東華三院萬國殯儀館官網，免費海上撒灰渡輪服務逢星期六出發上午9時（除公眾假期外），渡輪上有禮儀師協助市民舉行簡單悼念儀式。
網民：比想像中低人工
有關招聘引來不少網民討論，有人直言「比想像中低人工」，假設一個月返足4日「$90x5x4=人工」，即僅得$1800。不過，都有個別網民覺得，「況又唔係抬屍，只不過係執吓個場搬下物資」、「做死人相關嘅工其實幾高人工，只要唔怕鬼同respect（尊重）」。
延伸閱讀：紅磡殯儀館罕有公開請人！6大要求海上撤灰人工幾錢？
日薪$1000請破地獄學徒 有補貼兼包飯鐘引熱議
最近Facebook群組「草蘆奇人異士人才招聘所」上，有網友刊登招聘廣告，以日薪$1,000聘請破地獄/法師學徒，入職要求不高，只需符合5大條件即可申請，「20歲以上，肯學肯做，有舞蹈底更佳，唔怕辛苦，唔好驚」，並在文中強調會有優厚福利，不但時薪會計算在用膳時間，而且仲會提供交通補貼等福利。
不少網民表示想入行：對住啲先人好過對住啲西客
這則招聘廣告很快被轉發至各大社交平台，引發網民熱烈討論，當中有不少人表示想入行，紛紛留言「想學」、「想知詳細」、「是真的請人？ 我想入行」。另外也有部分網民認為這份工作非常適合餐飲業員工，「咁鍾意鬧啲客，建議去做殯儀 人工高，又可以瘋狂鬧D仙人，都唔會駁你同上網投訴」、「咁又啱呀，對住啲先人好過對住啲西客」、「叫啲黑食肆打手去做啦」。
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
