焚城｜劉德華主演電影《焚城》現正上映，早前他突擊現身為電影謝票，給觀眾一個大驚喜！更同時宣佈13日將推出一整日謝票場，希望能夠帶動票房走得更遠。不過13日當日竟然撞正三號風球，但劉德華率先一眾主演繼續無懼風雨現身謝票，期間竟然再有天后級驚喜突然現身?
鄭秀文突擊現身謝票
劉德華早前率先一眾《焚城》主演何啟華（Dee）丶林家熙（Locker）、黃愷傑（Wesely）、許恩怡（Natalie）以及導演潘耀明出席一連串謝票場，眾人分享期間，主持突然宣布有個神秘嘉賓要現身，而華仔跟團隊事前跟全場觀眾一樣都毫不知情，原來神秘嘉賓便是天后鄭秀文，見到Sammi既驚且喜不禁大聲歡呼，原來Sammi知道華仔難得謝票，特意前來捧場，兩人一見面即時擁抱。
劉德華與鄭秀文相識超過20年，早在謝票場前鄭秀文已經在社交平台分享自己購票入場觀賞《焚城》，今次劉德華謝票場她更掏出戲票，證明自己真金白銀支持，Sammi亦再次不吝讚美之辭：「我覺得《焚城》非常之精彩，裡面有感動位，有緊張嘅情節，我覺得故仔好好，入面有好多訊息，好滿意，好滿意華仔你嘅演出呀！」說畢全場一同喝采，場面非常熱鬧。Sammi又再點名稱讚阿Dee表現：「你嗰段我好感動，演出得好好！」對於Sammi突然現身加持，華仔笑指竟有點緊張。
近期劉德華忙於準備演唱會，仍然抽空為電影出席謝票場，除了因為劉德華今次於《焚城》身兼監製一職，更可能因為同期撞正另一部香港電影《破.地獄》強勢上映，為了力保場次和票房數字，劉德華都要準備好好撐場。身為廿年老友的鄭秀文當然都希望表達支持，完結謝票場後再度與劉德華擁抱，更與影片當中不忘提醒觀眾要睇《焚城》一次兩次三次，力谷票房！
《焚城》 現正上映
」，
App內睇文同睇片可隨時捕捉U Fun彩蛋，
換領現金券及禮品！
↓【U Jetso】召集運動愛好者！↓
↓ 一齊參與呢個運動主題盛會！↓
↓【社群送禮🎁】大派亞洲旅遊數據卡350張！第2擊！↓
↓4日無限數據！12 個地區適用！↓
