TVB《萬千星輝賀台慶》將於下星期二（19日）隆重舉行，今年一共有大約300位藝人為TVB慶祝生日，更有顧紀筠、林曉峰有份坐鎮擔任司儀，歌手藝人劉美君同樣回港演出。日前，TVB就為今年台慶特別嘉賓率先披露神秘剪影，預告一出即引來網民熱烈討論，其實身份已經呼之欲出。
TVB台慶｜特別嘉賓是誰？
根據TVB官方釋出的剪影相片，預告今年TVB將有一位特別嘉賓演出，更以一張曾經參演的劇集角色剪影作神秘預告，有網民從髮型猜測有可能是歌手杜德偉、Jackson王嘉爾、古天樂等明星。
不過有眼利的觀眾就一眼識穿真身，揭曉是2004年古裝劇《大唐雙龍傳》中「寇仲」的劇照，即離巢10年的林峯將會重返TVB參與台慶演出。
為慶祝無綫踏入57周年台慶，今年的主題是「同一家人，與你前行」，今年除了接近300位合約藝人及昔日無綫藝人好友會雲集電視廣播城「回家」助慶，並邀得18位代表不同年齡層及界別的藝人朋友，與觀眾分享他們透過在TVB的成長及經歷、所體驗得來的「TVB精神」，18位藝人分別為黎耀祥、黃翠如、林盛斌（Bob）、黎寬怡、蔡思貝、汪明荃、王祖藍、李思捷、阮兆祥、車婉婉、陳㦤德、譚輝智、錢嘉樂、高海寧、周吉佩、C君、陸浩明及莊子璇。
18位藝人拍攝台慶宣傳片分享「TVB精神」
先後憑《巾幗梟雄》第一、二季及《大太監》三奪《萬千星輝頒獎典禮》最佳男主角的黎耀祥，由1986年起開始拍劇生涯，轉眼在電視圈打滾了38個年頭。黎耀祥在台慶宣傳片中坦言從演多年確實遇過樽頸位：「我入行做咗十幾年閒角，先至可以叫做升上配角嘅位，又做十幾年嘅配角，先至可以做到主角，當時自己都有啲深深不忿，因為覺得自己好盡力，人哋對我評價又幾好，點解唔可以進一步呢？」
黎耀祥大談演藝樽頸位
黎耀祥又謂幸好自己有堅持下去，並以「儲印花」來比喻不放棄及繼續努力的重要性：「人生好似我哋去超級市場買嘢儲印花，當你儲夠印花，先可以換到禮物。換印花嘅過程其實好長，如果你半途而廢、唔儲夠足夠印花，你所有印花就會變成廢紙。所以我依家都仲儲緊我人生嘅印花，可能十年、二十年後，我又可以換到上天畀我嘅一份禮物。」
黃翠如分享主題為「開心」及「笑容」，內容結集了翠如以往拍攝旅遊節目的見聞及感受，相當感性。而林盛斌（Bob）在主持《360秒人生課堂》時已充份展現了說故事能力、及對人生哲理的追求的阿Bob，在台慶宣傳片中分享自己如何由唔怕蝕底、到變成今日所有人眼中幸運兒的經歷及心路歷程，當中一句：「明知件事幾咁搵笨都好，畀心機，盡心盡力咁去做，個天係會睇到，有一日，佢會用一個你意想不到嘅方式，透過某啲途徑，回報番去你身上。」發人深省。
而蔡思貝的分享主題是Team Work，相關宣傳片曝光了不少她拍攝《與天地對話》時的幕後花絮。至於黎寬怡，則會分享擔任了七年《東張女神》的苦與樂，貓仔指做了《東張》多年，身邊不斷有朋友問「做藝人咁辛苦為乜」，但一路以來的「東張經驗」，讓她覺得再危險、再污糟的採訪經歷，也會是得多於失：「親眼見證過太多被逆轉嘅生命故事，我永遠都忘記唔到佢哋嘅眼淚同笑容。」
.
港生活人氣娛樂新聞
【免費試用🎁】RMK零毛孔素肌底妝系列！
↓☀️夏日必備防曬霜 x 皇牌輕透粉底液！↓
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
