由麥玲玲主持的清談節目《玲玲友情報》最一集主題為「黑色月光」，嘉賓為廖慧儀（Jessica）、梁超怡（Joey）、林俊其（Kris）。近日熱播的台慶劇《黑色月光》劇情進入白熱化，三位新晉演員於劇中分別飾演楊茜堯、林夏薇、馬志威的年青版，今次作客節目就大爆拍攝背後，鮮為人知的花絮秘聞。
梁超怡零經驗拍床戲裸奔險走光
提到試鏡，劇中梁超怡有不少性感演出，她說︰「我都有一場床戲，講我無着衫瞓醒一起身，就扯住張被跑出門口。嗰時入面真係得內衣褲，雖然黐咗膠紙打底，但係都好驚跑時扯甩張被走光。」她又自爆淋可樂蝦碌事件，內衣全濕沒預備替換，被迫濕身回家。劇中她被安排演林夏薇年青版，她大讚對方專業︰「薇薇知道下一場戲有我，佢會專登留低等，話我聽佢會點演，等我可以接到人物角色。」
廖慧儀搞笑拍床戲攰到就地瞓着
節目中，廖慧儀透露有份試鏡前一日仍在內地工作，知悉後便二話不說當晚便飛返香港。最後成功參演飾演女主角楊茜堯年青版，她難掩興奮表示︰「即刻做功課重溫佢套《談情說案》。」她談到被林俊其施暴的那場戲，直言當日搞笑多過香艷，她笑說︰「嗰時啱啱喺紐西蘭拍完《港女野人》返嚟仲病緊。」極度疲倦加上感冒藥的功效，廖慧儀在床上睡着，完全配合「迷姦」劇情。
林俊其自爆網上睇片學性侵
而Kris一向被指跟王浩信「撞樣」，今趟接到劇本時，一心以為會再演對方年青版，想不到卻是演富二代馬志威後生時，還有場性侵戲份，他於節目中笑言︰「我唔識呢啲嘢，無做過，要網上睇返啲片……」此話一出即引來哄堂大笑，連帶玲玲師傅在內紛紛質疑「有乜嘢片睇呀？」自知講錯說話的Kris結結巴巴解釋︰「睇劇情片參考下。」他慶幸跟Jessica熟稔減少拍攝時尷尬。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
