《破‧地獄》票房衝破6000萬大關，網上持續有不少圍繞《破‧地獄》的討論。有網民在連登討論區發文，提出若電影由梁朝偉出演會否有所不一樣，其後更衍生出，如果由王家衞或王晶執導拍攝會如何，引來大批網民留言。有網民大膽推測「要搵幾條真屍嚟化妝同燒」、「影住先人遺體幾分鐘 無人講野」，更改寫經典金句「呢個世界冇嘢唔會過期，你屋企人都一樣。」
網民掀討論 王家衛/梁朝偉拍《破·地獄》效果如何
有網民在連登討論區以「梁朝偉演破地獄會有咩票房呢」為題發文，討論若由不同演員及製作班底拍攝《破·地獄》，效果會否不一樣，網民直言「（票房）過唔過三千萬呢？」有網民認為梁朝偉性格與年紀與喃嘸師傅Hello文（許冠文飾）有距離，建議朝偉演殯儀經紀道生（黃子華飾）。更有人提議延續《無間道》班底，梁朝偉演道生、黃秋生演Hello文。
有人認為「hello 文個角色要再搵個大年紀啲做，或者性格上比較剛烈啲會比較好，其實吳鎮宇做hello 文都諗得過！」不過有網民就另覓到一個更適合吳鎮宇的角色，竟然是集體離場的喃嘸師傅！
隨後有人突帶起另一話題，問到如果由王家衞拍攝《破‧地獄》會如何，有人笑言「隨時真係拍到2046...」、「影住先人遺體幾分鐘 無人講野」，有人以自己對王家衛的獨特美學的認識推測，電影中遺體化妝及火化情節有機會用真屍體。部分創意滿分的網民，就改編王家衞電影經典金句，「如果有多一副棺材，你會唔會跟佢走呀？」、「甲辰年 乙亥月 丙戌日 寅時之前的一刻鐘你和我在一起，因為你我會記住這一柱香既時間。」
網民仿王晶風格改《破·地獄》劇情
之後更有人提出「王晶拍破地獄會點拍」，網民構想的橋段頗具王晶電影風格，有人集大成改寫出全新劇本的《破·地獄》，人物關係與劇情顛覆想像。有人稱「Hello文詐死計中計引佢入局，道生敗走俾人監生掉入焚化爐」、「會話黃子華因為打牌/賭錢輸身家逼上梁山做行街，最後就會有機械ai複製人仙人復活」、「有發哥客串。」（按圖睇網民聯想的王晶版《破·地獄》）
來源：連登討論區
《破‧地獄》一情節被斥美中不足！灌輸錯誤觀念？網民大鬧：矯枉過正
香港吸煙與健康委員會轄下的社交專頁「無煙勢•待」亦趁此趨勢發文。「無煙勢•待」的帖文指「最近有一套關於殯儀業嘅電影成為全城熱話，美中不足嘅係，電影有唔少食煙嘅鏡頭喇」，擔心會錯誤灌輸「吸煙可以解決問題」、「吸煙有型」的觀念。
帖文強調：希望任何藝術表演都避免吸煙劇情
帖文又表示「呢啲根深蒂固嘅錯誤觀感就潛移默化成為咗電影慣常拍攝之一，結果令拍攝者同觀賞者透過反覆輸出同接收呢啲吸煙鏡頭，令大眾仍然認為吸煙係冇咩大不了嘅行為」，最後重申「希望任何電影同其他藝術表演都可以避免吸煙嘅劇情！」
帖文發布後，火速引來網民留言，質疑香港吸煙與健康委員會矯枉過正，鬧爆「現實往往比電影更迂腐」、「唔好為反而反啦」、「電影咪分咗3級制囉... 就係要畀觀眾知道... 要用咩態度同思考角度去觀賞該電影...破。地獄點都唔係1級啩... 有食煙鏡頭好合理喎...」
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓【社群送禮🎁】大派亞洲旅遊數據卡350張！第2擊！↓
↓4日無限數據！12 個地區適用！↓
