黃子華近年搖身一變，又票房毒藥變票房靈藥，最近黃子華頻頻上節目接受訪問為電影《破.地獄》宣傳，其中黃子華接受著名編劇文雋網上節目《文雋 講呢啲 講嗰啲 Man's Talk》訪問，大爆當年自資自導自演的《乜代宗師》，竟然要向黃百鳴道歉?當年曾經要賣樓拍戲，但最終電影仍虧蝕離場?
黃子華談乜代宗師一事要同黃百鳴道歉
黃子華當年自資拍攝《乜代宗師》，全片自編自導自演，並於2020年上映。談到這套作品時，黃子華突然打斷指希望向一個人道歉，那人便是黃百鳴，指當年黃百鳴曾經聯絡自己，約出來確認黃子華來年會不會拍賀歲片，黃子華當年表示︰「冇呢個打算。」黃百鳴則表示︰「咁你唔拍，我先拍。」於是黃百鳴當年就推出一套賀歲片《家有囍事2020》，怎料《乜代宗師》臨時殺出對撼。黃子華解釋指︰「《乜代宗師》係臨時，因為我應承咗成個班底，我必定要趕出嚟拍，我唔係諗住咁樣嘅。」不過結果大家的電影都撞上疫情，一齊輸了票房。
開腔談當年電影蝕到入肉
至於輸的程度，黃子華直言係︰「蝕到入肉」，即使文雋補充電影為長尾理論，黃子華仍然直指蝕錢︰「我諗返轉頭計過，你都知我呢一世人拍過幾多勁嘅電影啦，儲儲儲個舊，我計過，啱啱好我拍呢套，啱啱蝕曬，啱啱就係蝕曬我搵咗由去到個個Point為止嘅所有喺電影裡面搵嘅錢。」但最後仍然驕傲自己有這樣的經驗。
當年曾自爆不收片酬 賣樓自資拍戲
當年《乜代宗師》上映時曾經引發爭議，黃子華當時拍片澄清，直認電影係「剝削曬所有人」，台前幕後的工作人員均是收「友情價」幫手，自己身兼導演編劇主演均是分毫未收，更是賣樓自資去拍。強調電影並非合拍片︰「想拍畀香港人睇。」當時黃子華已經深知投資的金額不會全數賺回，但仍希望「賣咗層樓賺返間房，或者廁所，就算賺返個水龍頭都係賺咗。」亦有提及因為為了壓縮開支，要回到中國的片廠拍攝。雖然當時已經預料虧損，但最終仍是令黃子華輸了不少數目。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】The Big Bounce 電子門票！↓
↓ 全球最大充氣城堡/ Sport Slam體育狂熱/黑夜彈跳派對↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
