黑色月光｜郭鋒由頭帶到落尾為失聲感遺憾 演病重老人歪嘴入戲贏盡好評

郭鋒由頭帶到落尾贏盡好評

郭鋒今次飾演卓昊天贏盡熱話，幾乎每集出場都有正評，無論躺在病床上嘴震震叫救命、不時虛弱地手震震、臨死前立遺囑的尊嚴與得戚並重樣均相當搶焦；而且雖然病重動作不能很大，但郭鋒單憑眼神已能清晰展示嬲怒、否認、賴皮、得戚等多種情緒，實力不凡。

+6

+5

點擊圖片放大

郭鋒活到老學到老專業精神令人佩服

郭鋒接受TVB專訪時便大讚角色好玩，並揚言對演戲仍有濃厚興趣：「首先人哋肯搵我，雖然依家我就半退休，但有咁嘅機會，就一拍即合。」郭鋒言論間更流露了「活到老、學到老」的專業精神：「我由訓練班出嚟咁耐，71年到依家仲係不斷學習緊，因為日新月異，潮流天天也不同。」

郭鋒親解卓昊天與霍景良分別

談到被指「霍景良再現」，郭鋒覺得卓昊天與霍景良是完全不同的角色，並感激觀眾厚愛謂：「其實唔似嘅，只不過觀眾覺得霍景良嘅形象仲喺度，所以睇時仲係覺得好似。霍景良個角色比較直接，你話佢奸唔係奸，在商場上做生意手段上會有利益衝突。今次呢個角色係幾得意，佢有反覆，冇畀觀眾睇清點解佢會咁，有追看性。」

+3

+2

點擊圖片放大

• 黑色月光｜72歲郭鋒演技獲讚「霍景良再現」 爺爺角色卓昊天展露奸詐霸氣

郭鋒8成場口要配音

郭鋒是次演出，另一最大討論點是角色很多場景要配音，對此郭鋒坦言有8成場口要配音，直言覺得遺憾：「如果我真係開到聲，我可以將個聲音調教，因為每個角色除咗說話技巧、節奏唔同，我可以將把聲改得都會改。」郭鋒透露當時有足足7至8日開不到聲，並感恩沒有發燒及不精神等其他問題，但仍為失聲影響到其他演員感到不好意思：「初時剛開聲真係好辛苦，連對白都唔係好講到，自己都好忟，因為好想講到個對白畀對手聽，對手先做到戲有反應。」