TVB台慶劇《黑色月光》有不少面孔獲觀眾大呼有驚喜，飾演未亡人新抱范玉玲（又名卓太）的楊玉梅便是其中之一。楊玉梅今次的演出除了引發網民大讚演技好，還讚她保養得宜：「楊玉梅都冇乜點變樣」、「好難得見到楊玉梅」、「楊玉梅化靚妝，這年紀都算是個美中女」、「就嚟60真係Keep得好好」。
楊玉梅受訪時坦言小時候已愛看郭鋒做戲，對於終於能與對方合作拍劇感到非常榮幸，並大讚角色有發揮，玉梅姐說：「開始時都有啲擔心，因為我哋一嚟就係拍呢場（辦公室鬧交戲）先，呢場戲好多Take都要將啲對白由頭到尾一次過講晒，而且因為就分鏡要講幾次。我記得我哋拍完（場戲），所有工作人員都拍晒手掌。呢場戲我要小心嘅位係唔可以做到好似潑婦咁，卓太始終有錢有學識。」
楊玉梅續指由於拍攝當日郭鋒因感冒不適「失晒聲」，她馬上將袋中的喉糖及消炎糖送給郭鋒：「等佢講對白舒緩啲，我好佩服郭鋒哥哥，雖然佢講唔到嘢，但睇番場戲，佢一啲病態都冇，仲係咁兇狠同有霸氣，即使幾病、佢一對住鏡頭就係叮一聲，專業演員真係專業演員。」與楊茜堯有不少對手戲的楊玉梅，更大讚楊茜堯「又靚又好戲」之餘，還大爆她與老公羅子溢勁恩愛：「記得放飯時，我哋食飯盒，佢仲爭取時間同屋企人視頻，一路食飯一路傾偈，佢哋好恩愛，好羨慕佢哋。」
楊玉梅被盛傳是隱形富婆
在劇中舉手投足都貴婦格十足的楊玉梅，現實生活中亦盛傳是隱形富婆，坐擁飲食王國之餘，亦曾涉足美容界做老闆。百足咁多爪的玉梅姐，除了演戲及生意兼備，原來還有爭取時間增值自己，2021年，她便完成了營養與體重管理文憑課程。現年59歲的玉梅姐，多年來一直注重健康及保養事宜，除體重長期維持在100磅以下，亦熱愛做瑜伽鍛鍊身體、修成美好線條。
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
