「我女友以前好純」 港男呻香港女仔被洗腦
文: 陸師弟
社交媒體今天已成為我們生活一部分，不少人喜歡把自己起居飲食的生活時刻放上網與朋友分享。開心share是好，但為share而share卻好像有點走火入魔了。
最近有網友在香港討論區以《香港既女仔已經俾人洗晒腦..》為題發文，申訴自己本來很清純的女友，自從玩了facebook及instagram就變得很「港女」了，好像情人節時，她想去貴價餐廳晚飯，埋單$1600為的是想影食物相放上網晒命，不是真心想吃東西。
討論區原文：
唉...我女朋友以前好純, 自從沈迷Facebook, Instagram後開始變成港女...好似上星期情人節咁, 不斷明示暗示想食間價錢唔平既西餐廳, 好啦, 咁我訂好位就同佢去啦
當晚叫左好多又貴又唔飽既野食, 佢全晚都係不停地影相, 每款野都係食一兩啖就算,
後來我發現啲食物佢根本全部都唔鍾意, 只係為左影相先黎
食完飯後埋單, 一共$1600, 但我一啲都唔覺佢開心, 佢仲同我講好肚餓, 不如去食麥當勞
反而去到麥當勞佢胃口好好, 成個人生猛返晒有講有笑
除左呢件事之外, 最近佢成日都買埋啲無用既野, 包括飾物, 家品, 文具,
全部都係佢唔常用既野, 買完之後影完相就無再用過
我開始留意返佢Facebook, 入面全部女仔都係鬥Post每日去食飯既地方,
收到既禮物, 同去邊到邊到旅行, 成個氣氛都充斥住要話俾人聽自己有幾高尚, 有幾充實
我開始明白佢既改變係由環境逼成
究竟香港仲有幾多女仔俾人影響到？其實你地可唔可以做返自己, 為自己生活？
不少網友留言同情該男生遭遇，但指這現象已成為社會風氣，難以阻止；但也有網友撐女朋友，表示情人節只是一年一次，貴少少都無妨啦。
兩邊都好似有道理，你又點睇呢？
來源: http://www.discuss.com.hk/viewthread.php?tid=24372333
相關連結：
港生活人氣本地熱話
【請您試用】敏感肌美白推薦面膜！
天然漢方溫和美白！位元堂珍珠美顏面膜粉～
↓【限時搶⚡】又一城歡天雪地溜冰門票↓
↓假日消遣首選｜約埋親友享受滑冰體驗↓
