TVB劇集《異空感應》熱播中，其中飾演「變態戀愛腦」的丁樂鍶（Janice），亦憑藉靚靚外表、Gfable的甜美笑容，及揮灑自如的癲喪特寫鏡頭吸引關注，網民更封她為「趙希洛2.0」
丁樂鍶Janice於2009年藝訓班畢業後即憑《美女廚房》中的「美味天使」腸粉身分備受觀眾熟悉，入行多年亦曾參與過不少劇集拍攝，當中較突出的除有《殺手》中的兔女郎，還有《旁觀者》中的超不負責任Mk妹媽咪。這次Janice再度突破自己飾演「變態愛情腦」，她接受訪問時，一再感恩監製Amy姐看到她「不為人知」的一面：「我由細到大都係古古怪怪、有少少神經質嘅，估唔到Amy姐會留意到，好多謝佢夠膽用我演啲咁有發揮、又得意嘅角色，我之前真係好少有機會講咁多對白。」
談到拍攝難忘事，Janice笑言是「深愛阮浩棕」：「有時同阮浩棕對戲，會Feel到佢對我嗰種厭棄，一望到咁樣我就有啲驚，覺得自己好難愛上呢個人，加上我哋拍之前完全唔識大家，所以成件事並唔係想像中咁簡單，我最後唯有打畀張達明老師嗌救命，佢就教咗我一啲快速投入角色嘅方法。（點解會搵張達明？）之前Join過佢嘅演技班，佢喺我心目中係師父，佢真係好似爸爸咁，就算個Course完咗，你有咩問題佢都好Welcome你打去問佢。」
Janice續指造型上「愛的紋身」及刀疤，也是難度所在，皆因相當花時間及功夫：「拍嗰時天氣都幾乾燥，著長袖衫會好易整甩個妝，所以要不停邊拍邊補；同埋因為啲刀疤要用風筒吹乾，所以都會流血同爆拆。仲有就係啲刀疤要Keep住相同嘅數量啦，有時都要謹記住同提番個化妝師。」
」，
App內睇文同睇片可隨時捕捉U Fun彩蛋，
換領現金券及禮品！
↓ 【🎁送】Aurabeat AG+銀離子抗病毒納米濾網🌟！↓
↓濾網有2層過濾💪10分鐘內殺滅99.9%病毒及細菌🦠↓
↓【社群送禮】聖誕すげえ(薯茄)樂園主題獨家精品🎄！↓
↓聖誕すげえ(薯茄)地毯、鎖匙扣、小薯茄幕前閃卡等！↓
