一對港產大熊貓家姐細佬自出生以來就備受全城關注，海洋公園亦經常發放兩姐弟的暴風式的成長片段。出世4個月後，日前（12月19日）海洋公園就上載一段影片，見細佬學會「企起身」，令護理員及一眾市民都大感欣慰。《港生活》編輯亦趁機會與大家一同回顧家姐、細佬的成長日記。
細佬成就解鎖 學識自己「企起身」
海洋公園日前發放最新影片，片中見熊貓雙胞胎之一的「細佬」原本慢慢向護理員方向爬行，及後「奶媽」多次向其叫「起身」後，「細佬」後腳突然發力撐起身體，終於學會「企起身」！不過行了一兩步，不足幾秒後就變回「麻糬」形態，相當可愛。
影片後半段就見護理員利用玩具球吸引「細佬」爬行，訓練牠學會站立，感動表示：「睇住佢一步一步學行嘅過程真係好療癒...今次真係細佬生性，盈盈、家姐、契爸契媽、奶爸奶媽倍感安慰。」影片釋出後引來熱烈討論，不少網民都紛紛表示可愛，又大讚「細佬好叻」，「好叻仔呀」、「細佬真係大個仔啦」、「好開心大家睇住佢嘅第一次」；亦有網民關心「家姐」的進展，「好叻呀細佬，家姐呢？」
即睇細佬學企片段
回顧大熊貓成長日記
首對香港出世的大熊貓雙胞胎BB
大熊貓盈盈早前在8月15日成功誕下一隻雌性同一隻雄性大熊貓 BB，更是有紀錄以來最年長初次成功產子嘅大熊貓！海洋公園更在Instagram上為港產大熊貓 BB開設社交媒體，定期分享龍鳳胎的最新消息。
海洋公園不定期在社交專頁發布兩姐弟的成長相片以及片段，見證牠們4個月來的成長過程。
姐弟初生時期
家姐細佬初生時期僅有人類一隻手掌大小，外表有如一隻粉色小老鼠一樣。海洋公園就曾發放護理員為牠們刺激排便的影片網民紛紛在帖下留言大讚可愛，「可愛好得意，細佬好似好嘆好享受」、「好似要幫貓貓催尿同便便咁樣」、「點解可以咁得意」。
至出生約2星期，熊貓BB已開始「上色」，可以見到牠們粉色的身體開始出現「黑白色背心」以及黑眼圈。
姐弟滿月時期
出世一個月後，「背心仔」已變得實色，亦開始對外界感好奇，會在床上爬來爬去。出生時重 122 克的家姐，體重已增至 910 克；而細佬亦由出生時的112 克，增磅至814 克。
不過此時的熊貓BB亦未開眼，海洋公園指熊貓BB會在出生36至58天開眼，一般會先分開上下眼簾慢慢開一條細縫，至一個半月左右完全開眼；而聽力會於大概75日後變得敏感。海洋公園得特意為兩姐弟舉行滿月活動，送出815份豬腳薑醋。
家姐細佬可自行調節體溫後，已可離開保溫箱，兩隻熊貓BB亦不時同框出現，可愛互動連連！
一個半月後，兩姐弟亦逐漸開眼，開始看到這個世界。
姐弟出世百日
兩姐弟於11月終於誕生100日，海洋公園為牠們舉行「大熊貓雙胞胎百日慶」，有園內實時直播活動、熊貓BB相展等活動。
海洋公園亦發放家姐細佬3個月來的成長剪輯片段，令不少網民都直呼感動，「由細細條變成大大隻，真係好感動想喊」、「好開心可以見證家姐細佬嘅出世、成長！」家姐細佬的暴風式成長，也令不少市民十分期待牠們長大的面貌！
相關文章：
」，
App內睇文同睇片可隨時捕捉U Fun彩蛋，
換領現金券及禮品！
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
