戲院結業潮｜屯門戲院無懼結業潮？本港多間戲院早前接二連三宣布結業，涵蓋九龍、港島等地區院線，不過屯門4間戲院包括巴黎倫敦紐約米蘭戲院、凱都戲院、新都商場英皇戲院及嘉禾StagE，就繼續屹立不倒，近日引來網民討論，有街坊力數4大原因，認為該區睇兩套電影等於出去睇一套，性價比更高！
戲院結業潮｜屯門4間戲院屹立不倒 街坊力數4大原因
本港去年多間戲院結業，包括總統戲院、啟德嘉禾、九展星影匯、旺角朗豪坊Cinema City、MCL海怡戲院、九龍城影藝戲院、MCL荷里活。至於北角ACX戲院於去年10月底聲稱「內部裝修」，暫停營業至另行通知；嘉禾V Walk在官網亦聲稱「暫停營業」。不過，屯門區內4間戲院似乎未受大影響，引起討論。
屯門巴倫紐戲院及凱都戲院 駐足區內逾35年歷史
現時屯門區內共有4間戲院，分別是巴黎倫敦紐約米蘭戲院、凱都戲院、新都商場英皇戲院，及嘉禾StagE，其中巴倫紐戲院及凱都戲院歷史最為悠久，前者早於1989年開業，為華懋集團全資附屬機構，凱都戲院則由1988年起開張，是新寶院線旗下三間戲院之一，兩間舊戲院均駐足屯門核心地帶已逾35年。及後英皇戲院、嘉禾StagE才分別進駐，服務區內影迷。有網民更分別將4間戲院比喻成「三國鼎立」時代，猶如曹操、劉備、孫權。
▼屯門戲院4間逐一睇▼
屯門戲院受歡迎4大原因：性價比高
隨著本港市道欠佳，愈來愈多戲院捱不住執笠，然而「點解摺咁多戲院，屯門無事？」話題引起網民們熱議，不少屯門街坊都加入討論。記者綜合各網民留言，大致整理出屯門戲院至今仍然大受歡迎，且入座率不俗的4大原因，當中包括電影入場門票較便宜、戲院爆谷抵價好食等，即睇一眾街坊點講！
▼屯門戲院受歡迎4大原因▼
屯門區睇戲早場最平$40 正價僅$60起
翻查各院線官方資料，屯門區戲院的電影門票相對九龍區、港島區等平一大截，早場票價最平$40起，部分即使下午12時55分場次仍可以早場價購票，而正價門票僅為$60起，另外有學生及長者優惠$40起。
▼屯門戲院票價一覽▼
內地客來港短途旅遊 過關入屯門睇戲
另外，由於鄰近深圳灣，不少內地客會選擇前往屯門的戲院睇戲，例如早前《破·地獄》上映後，大批人從深圳過關來港看電影。
▼內地網民分享▼
對於屯門戲院仍然有捧場客，不少屯門居民都分享各戲院的特色，其中包括有趣的細節：「新墟兩間啲隔音，聽埋隔離院啲聲」、「好記得有次睇唔記得邊套戲，係個最靜既文戲位隔離院播緊Bumblebee d焦焦焦聲傳曬過黎，成個氣氛無曬」、「壞處係要昂高個頭黎睇，有時睇啲戲長啲，睇完會有啲頸痛」。
據報英皇國際有意放售屯門新都商場全層物業
有網民認為，四間競爭價錢吸引，而且區外人入屯門看平價電影，順道食飯、玩、購買等選擇多，認為都有助帶動區內經濟。不過，據傳媒去年10月報道，英皇國際有意放售屯門新都商場全層物業，當中包括戲院，連停車場意向價4.8億元。戲院的未來路向如何，仍有待觀察。
屯門戲院 地址詳情
屯門戲院1. 巴黎倫敦紐約米蘭戲院（華懋電影院線）
地址：屯門河傍街康麗花園地下
電影：2613 5842
屯門戲院2. 凱都戲院（新寶院線）
地址：新界屯門鄉事會路136號
電話：2459 4857
屯門戲院3. 新都商場英皇戲院
地址：新界屯門屯利街2號新都商場3樓
電影：2522 2996
屯門戲院4. 屯門嘉禾StagE
地址：新界屯門市廣場1期3樓3201鋪
電話：3842 0888
資料及圖片來源：連登討論區、小紅書、Facebook@90後回憶、Facebook@真·屯門友
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
↓【限時搶⚡】Nourwish重生育髮系列！↓
↓ 提升頭髮彈性/令頭髮變得滋潤及豐盈↓
