近日網上流傳《愛．回家之開心速遞》演員每集人工表引起全城熱話，傳聞愈傳愈旺，除了有傳媒主動向劇中演員求證，TVB日前亦有發聲明回應事件。近日吳家樂、鄧兆尊與謝遜於其YouTube節目《娛樂好好玩》中亦有談及此事，分析價目表的可信程度，鄧兆尊一度大爆圈中秘密，如TVB處境劇主要演員、臨記的人工，透露當年有同事就連爭取加「一包煙」人工都失敗？
愛回家片酬｜吳家樂鄧兆尊：可信性好低
最新一集《娛樂好好玩》，吳家樂、鄧兆尊與謝遜於節目《娛樂好好玩》中分析這張演員價目表，但大家都認為可信性很低，吳家樂指出：「高有啲太高，低有啲太低！」就連鄧兆尊亦表示「我都覺得係」。
相關帖文：網傳《愛．回家》演員每集人工表！根叔片酬僅排第2高？呢位得$0蚊疑似「貼錢返工」
節目中，吳家樂和鄧兆尊不約而同地認為這張價目表的可信性很低，當提到何晉樂要「$0貼錢返工」時，吳家樂隨即回答「咁梗係無可能啦！」而鄧兆尊則表示TVB簽約藝人至少有$800。吳家樂指出：「騷錢貴與唔貴有時係累積出嚟，丹爺做咗咁多年，如果由當年嘅Sit-com，即叉燒炳（《真情》角色）到𠵱家，佢每年加少少、加少少，咁佢嘅騷錢點會少？」他推測TVB出手$6000已經算「畀少咗」，因為正常來說年資愈長，騷錢就會愈高，當然也要視乎其知名度！」
至於飾演「金城安」的周嘉洛，鄧兆尊直言「一定冇咁高（每集$5750），我肯定。」當時謝遜便問道：「會唔會睇返人氣？嗰排人氣好紅。」鄧兆尊則回答他：「唔關事，因為佢早簽約，定咗個價錢，唔會話紅咗就突然間加價，冇呢樣嘢。」吳家樂解釋：「都係好海鮮，睇市場，嗰時搶人嘅話，自然畀你嘅薪酬會高啲，你壓價嘅能力都大啲。但市道低嘅話，大家共度時艱一人減啲，咁都要減，好睇你喺邊一段時間入職。」
愛回家片酬｜鄧兆尊大爆TVB處境劇人工
鄧兆尊曾拍過兩輯《皆大歡喜》，但他透露自己的Sit-com不多，「我唔係，（出鏡集數）8成左右。3、4集。因為係佢（家燕姐）屋企丫嘛，我係入贅，我都唔係主家庭，我係次要家庭。」當時年鄧兆尊Show錢不多，「一個Show三千零蚊，因為我有個爭產事件，暴升500%之後先有呢個價錢，爆咗Show出四萬零五萬蚊一個月。」
被問到演員間會否知對方薪酬，鄧兆尊大爆：「女人嗰啲我哋唔知，有時成班男人傾開偈，林文龍呀，謝天華呀，阮兆祥都知，大約個Range幾多都知嘅。」當年大家共識是按年份去傾（價錢），但謝天華「唔信」，佢話：「我真係唔信呀，我上去我要求加$50，一包煙都加唔到我唔撈！」結果可想而知，「佢上去傾完返嚟，我話『點呀？仲有冇得撈？』佢話冇得加，咪又繼續撈囉。」
愛回家片酬｜臨記日酬$380已經算好好
日前再有內地網紅分享做《愛回家》做臨時演員經過，大爆做臨記日酬得$300。鄧兆尊聽後隨即說：「加咗價喎。」吳家樂謂：「係啊，好好喎，佢計埋抽佣之後$380喎。」鄧兆尊爆料當年初入行人工行情：「我做嗰時係$140至$160，包一個飯盒。做個死屍嗰啲。」吳家樂表示：「我聽過有啲食水深啲，臨時演員實收得$100。」
相關帖文：內地網紅自爆做《愛回家》做臨記！電視城一日遊 大爆一日人工只得呢個數？TVB發聲明澄清：不屬實
愛回家片酬｜TVB發官方聲明闢謠
就近日網上流傳TVB劇集《愛回家》的演員片酬，以及有中國網紅大爆受人介紹擔任臨時演員以及一日片酬，TVB正式作出回應...
相關帖文：愛回家片酬｜網上瘋傳愛回家演員片酬 TVB發官方聲明闢謠
來源：YT@娛樂好好玩
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Bheue天然活膚保濕護理系列！↓
↓ 天然成分、溫和有效/全方位呵護孕媽↓
↓【限時搶⚡】BHAWA香薰減壓滾珠精油系列！↓
↓ 天然成分｜幫您放鬆、緩解焦慮↓
