74歲李司棋公開對話截圖機智識穿網騙 大契上身爆《溏心風暴》金句嚇窒兇徒

李司棋機智擊退網騙兇徒

李司棋日前在社交平台發文分享Whatsapp遇到網騙兇徒，有騙徒訛稱不小心過數過錯$2,000給她，而司棋姐就機智擊退網騙兇徒。

▼▼點擊放大還原事件過程▼▼

+23

+22

點擊圖片放大

李司棋日前在社交平台發文分享Whatsapp遇到網騙兇徒，有騙徒WhatsApp司棋姐，訛稱不小心過數過錯$2,000給她，附上一張疑是過數截圖，表示屋企人糖尿上眼需要手術費，如果不立即做手術就會盲。但司棋姐又點會被呃到，表示冇收到過$2,000，更指對方見錢開眼：「即係有呢$2000就唔使盲？名副其實見錢開眼喎！」

+17

+16

點擊圖片放大

爆笑引用《溏心風暴》金句網民大讚 

其後司棋姐更串爆騙徒：「係喎，你母親知唔知你做啲咁嘅嘢？我意思係過錯數」但騙徒依然死心不息要求過數，令司棋姐要出大絕，錄音給對方，引用《溏心風暴》金句「我睇人睇咗幾十年喇，邊個係人，邊個係鬼，我睇得出！想呃我？我呃大㗎！」，風趣幽默又機智的應對手法，被網民大讚是「提防騙子」最佳榜樣！

+17

+16

點擊圖片放大

李司棋潮跳《APT》

近期BLACKPINK成員Rosé聯乘美國天王Bruno Mars合作歌曲《APT.》，洗腦旋律加上世紀合作的噱頭令歌曲紅爆全球。就連司棋姐都加入拍片熱潮，潮跳《APT.》！ 不過司棋姐的版本更加特別，名為「ATP銀齡減速版」，李司棋更於影片中自帶音樂哼出歌曲，十分搞鬼！網民留言大讚司棋姐，表示︰「希望到我銀髮時都有司棋姐嘅活力。」丶「司棋姐 跟得好貼呀！」

+16

+15

點擊圖片放大

來源：IG@李司棋