農曆新年臨近，賊匪四出犯案！近日香港接連發生多宗偷竊與爆竊案，日前再有大埔小店、街坊網上發文，指附近一檔舊式涼茶舖亦遭遇賊人偷竊，婆婆總共被偷走「兩個月嘅收入」，過年前突然被偷走所有錢，令婆婆感到非常徬徨。事件引起社會關注，不少港人湧入留言鬧爆賊人，並詢問有關涼茶舖位置、營業時間，希望可以幫助婆婆度年關！
涼茶舖婆婆被偷銀包 兩個月收入全部無晒
昨日（15日）大埔小店「Uncle 3 優質食材專賣店」於Facebook專頁發帖，他在文中慨嘆地說「世態炎涼」，表示前幾日附近發生偷竊案，隔壁舊式涼茶舖的婆婆收工時，所有辛苦錢均被賊人偷走，血本無歸...
▼按圖看完整事件▼
眼見農曆新年將至，店主實在於心不忍，於是在網上發文分享婆婆遭遇，「希望大家都可以幫幫老人家度年關，人間有情！」同時他也向婆婆認購了一批涼茶，「數量就唔係好多，但少少心意喇」。
大埔街坊呼籲大家行過路過支持一下
消息很快引起大眾關注，有大埔街坊轉發相關帖文，並前往涼茶舖探望婆婆。他指出，當時婆婆原來是準備收舖，所以直接把銀包放在舖面，才會令賊人有機可乘，現時婆婆仍然很徬徨，但已報警備案。最後，該街坊在文中提醒大家要小心個人財物，同時也希望「大家行過、路過，支持婆婆買枝涼茶，同佢傾吓計，打氣。」
港人齊鬧爆「真係冇陰功」：連阿婆辛苦錢都打劫
不少港人看後湧入留言鬧爆賊人，「過份，阿婆銀包都偷」、「連阿婆都搶，真係冇陰功」、「無陰公 ，連阿婆辛苦錢都打劫」，紛紛表示會去涼茶舖支持婆婆，亦有已幫襯的網友留言，表示看到婆婆現在還是「好唔開心」。
▼網友點講▼
有網友則認為，涼茶舖最好還是安裝閉路電視，而且婆婆要時刻看好自身財物，銀包最好還是隨身攜帶，並建議「買個腰包俾婆婆」。該大埔街坊亦有回應，他認為買腰包送給婆婆不失為一個「好主意」，同時他亦表示大家毋須太擔心，「據附近街坊講，會幫婆婆鋪頭裝「眼仔」
盜竊最高可被判監10年
根據《盜竊罪條例》任何人任何人不誠實地挪佔屬於另一人的財產，意圖永久地剝奪該另一人的財產，即屬犯盜竊罪，循公訴程序定罪後，可處監禁10年。
來源：FB@大埔 TAI PO
博康商場現夜賊擸走成箱食材
近日，一間位於博康商場的店舖在其Facebook上以「博康商場偷竊案」發文，指對面的小食店遭遇賊人偷竊，並上傳閉路電視影像，希望借揭發賊人惡行呼籲同行小心指「將近過年，大家提高警覺，做好防盜措施，提防賊人」。
▼按圖看事發經過▼
網民鬧爆賊人︰正乞兒
帖文引來網民一片嘩然，有人鬧爆賊人「係咪餓覺得咁緊要」「正乞兒」、「勁過份」和「原來就係呢條X樣攪到我今朝冇想食嘅早餐」，亦有人懷疑賊人早有預謀指「著到咁擺明有預謀啦」、「似乎係慣賊，可以揀咁耐」，另有人建議店家盡報警以防更多店舖受害。
相關帖文：沙田商場驚現夜賊 擸走成箱食材極猖狂！盜竊過程逐格睇！商戶呼籲：提高警覺
大埔現扒手黨從後開背囊極張揚
近日有大埔街坊在Facebook大埔TAI PO群組發文，指自己在大埔墟站經隧道轉乘k12巴士時遇到扒手黨，被事主察覺後隨即迅速離場，令樓主不禁聯想起早前報導的荃灣扒手黨，呼籲街坊小心。
街坊分享自己相關經歷
有大埔街坊講述自己或目睹「扒手黨」的經歷，指「前幾日我係大埔墟都被人開背囊，好彩有個阿姐提醒我」、「我上次見兩個大陸人企天橋，輪流開買餸C9的背包偷嘢」和「一年前我都試過喺大元（邨）被人開我背囊，好彩我feel（感覺）到」。
街坊提醒多加小心 教1招自保
亦有街坊教路「背包放前面安全啲」，並提醒大家多加注意，「無拉鍊小心啲」、「我而家都唔敢帶銀包出街」、「村屋門戶都要睇緊，最近好多陌生人到處裝裝下」、「萬事要小心也」、「周圍都cam（攝影機）壞蛋真的是傻？？？？」和「每逢年尾，特別多人搵食」。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】BHAWA香薰減壓滾珠精油系列！↓
↓ 天然成分｜幫您放鬆、緩解焦慮↓
↓【限時搶⚡】Bheue天然活膚保濕護理系列！↓
↓ 天然成分、溫和有效/全方位呵護孕媽↓
