無綫一年一度的《萬千星輝頒獎典禮2024》於昨晚（19日）在澳門上葡京舉行。頒獎典禮特別邀請國際武打巨星甄子丹，擔任壓軸大獎「最佳劇集」頒獎嘉賓。甄子丹發言更語義雙關，落足嘴力句句護住無綫，帶着「宇宙最強」的風範，在台上高呼「攞獎有冇人工加」，令全場氣氛變得高漲！
▼▼點擊睇甄子丹點樣有骨▼▼
在頒獎典禮上，甄子丹以一身全黑的造型現身，立即引起現場觀眾的熱烈歡呼。甄子丹頒獎前向所有入圍及得獎者送上鼓勵：「無論係獲獎、提名又好，我都要恭喜佢哋，因為佢哋每一個人都有好獨特嘅魅力，佢哋用咗好多時間去打造深入民心嘅角色。所以我要恭喜你哋全部人，你哋喺我心目中係好有實力嘅藝術家，我好期待（你哋）未來更精彩嘅作品。」
甄子丹向女兒送生日祝福
甄子丹在頒獎前透露，當天正好是他的女兒甄濟如（Jasmine）的21歲生日。他笑著說：「今日係我個女嘅生日，21歲喇，時間過得好快。」隨即引來台下觀眾的熱烈掌聲。他對女兒送上生日祝福：「Jasmine Happy Birthday！」甄子丹回憶起自己30多年前在TVB拍攝的經歷，感慨道：「作為一個Artist係需要幾多嘅努力，天賦同努力一定要啦，但係好緊要係劇本、團隊、機會、機遇，樣樣都唔可以缺。」
甄子丹發言有骨護娘家
其後甄子丹即發表「有骨」感言，指：「我要話畀你哋聽，你哋好優秀，如果有人同你講TVB做嘢咁辛苦，你可以大聲同佢哋講。你哋偶像周潤發、劉德華、梁朝偉、黃子華、周星馳，邊個唔係喺TVB嚟，邊個唔係TVB大家庭訓練出嚟。呢度係好多人嘅起點，亦都係我哋大家嘅情懷，童年回憶。」網民們皆熱議話中的「有人」，到底是指誰？
他又指：「睇劇集係唔會Out嘅，係唔會過時，好戲係一定有回響，好劇一定會有好報。」
甄子丹疑「曲線暗串」無綫唔加人工
甄子丹最後更為一眾得獎者爭取福利說：「最後要補充一句，視帝、視后有冇加人工㗎？咁多位老闆，我代佢哋講，有冇加人工。」獲得現場不少掌聲，此舉更被網民指甄子丹「曲線暗串」無綫平時唔加人工！
萬千星輝頒獎典禮2024｜完整得獎名單
萬千星輝頒獎典禮2024｜紅地毯女藝人戰衣大晒冷
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Bheue天然活膚保濕護理系列！↓
↓ 天然成分、溫和有效/全方位呵護孕媽↓
【食在社群】請您食五星級酒店下午茶🍽！
↓免費享用五星級酒店下午茶↓
