TVB《萬千星輝頒獎典禮2024》各個獎項已頒發，其中張振朗及龔嘉欣分別榮登今屆「視帝」、「視后」。張振朗今屆憑劇集《反黑英雄》勇奪大馬視帝後，再下一城成為「雙料視帝」！張振朗在台上感謝家人支持，又特以一句「多謝而家睇緊電視嘅你」低調多謝女朋友楊偲泳。
張振朗憑《反黑英雄》徐國賢一角奪得「馬來西亞最喜愛TVB男主角」，全場立即起哄。他上台接過獎項後，台下大叫「視帝」、「視帝朗」，張振朗先是連聲多謝，並說：「首先一定要多謝馬來西亞每一個投票畀我嘅觀眾」，更即場說了馬來語多謝當地觀眾。
張振朗憶述當年，自己從訓練班畢業，到成為「大馬視帝」的經歷，他說道：「其實呢個獎對於我嚟講好遠，講緊係十幾年咁遠。我好記得我訓練班入嚟，好似台慶影月曆，我企喺尾三嗰排，我望住最前面，究竟有冇機會有一日，我可以企到最前呢。跟住我拍劇嘅時候，《初五啟市錄》我喺後面做緊啲咕喱仔，我有冇機會可以好似啲主角咁多戲演呢？我發覺原來係有希望，係有未來，只要你想就得。」
張振朗多謝監製鍾澍佳及其他曾用過他的監製，其後又多謝劇中好拍檔兼「兒時偶像」姚子羚。他亦感謝高層曾勵珍這十多年來給予的機會；他重提拍《奪命提示》撞穿頭，樂易玲在凌晨時份仍能為他找到醫生治療。張振朗又感謝家人的支持，更指「多謝而家睇緊電視嘅你」，台上低調多謝女朋友楊偲泳。最後他說：「我會繼續努力，我係演員張振朗。」之後張振朗憑《反黑英雄》再登上「視帝」寶座，擊敗最後五強其餘的羅子溢、陳展鵬、陳豪、黎耀祥！入行20年的張振朗今次首奪最佳男主角，得獎一刻在台下哭成淚人，恭喜恭喜！
睇埋張振朗奪「視帝」片段
37歲的TVB小生張振朗在2019年被拍到當時為ViuTV藝人的楊偲泳一同遊日後，大方認愛，兩人拍拖以來一直很低調。在張振朗奪雙料視帝後，楊偲泳在IG疑似向張振朗祝賀，上載晚餐照留言：「OK！叻！加餸！」
萬千星輝頒獎典禮2024｜完整得獎名單
萬千星輝頒獎典禮2024｜紅地毯女藝人戰衣大晒冷
圖片：TVB、IG
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Bheue天然活膚保濕護理系列！↓
↓ 天然成分、溫和有效/全方位呵護孕媽↓
↓【出POST即賺錢】《社群》再派錢！立即參加～↓
↓立即參加！賺取無上限現金賞💰↓
