騙徒出沒注意！新年喜氣洋洋，卻有人蒙混歛財，想藉喜慶氣氛騙錢。近日有網民分享，在北角街頭有紅衣女士四出搲利是，她會隨機接近途人並向對方索取利是。有街坊透露，該女士為當區慣犯，經時問男士要錢，有人建議下次反客為主問紅衣女拎錢。
騙徒隨街問途人拎利是
騙徒的手法層出不窮，近日再有呃錢黨出沒，除了假冒和尚行騙，更有人假借新春節慶之名，四處搲利是。有市民在Facebook群組「呃錢黨情報黨」上載一則短片，指片中身穿一襲紅裙的女士「周圍問人拜年攞錢。」片段可見該女子會隨機走向途人並攤大手板問「有冇利是呀？」，見對方搖頭後便尷尬訕笑回以「新年快樂」兼急步離開尋找下個獵物。有網民留言指該女士是呃錢常客，「耐唔耐會喺北角出現平時都會問啲男人攞錢！」
下手過程逐格睇
網民鬧爆：身光頸靚周圍乞
帖文發布後，引來網民派嬲嬲，有人鬧爆「身光頸靚周圍乞」、「咁厚顏無恥」、「新年申請比人鬧」、「面皮幾尺厚。」亦有人無奈表示，「都冇計嘅，香港有啲人真係好鍾意嘅見人就派利是，所以咪俾啲XX利用囉。」有人則呼籲下次再見到該女子乞錢，就鬧走對方，以免再有人受騙，助長歪風。
有網民成功捕獲乞利是女士身影，直言「係靚嘅」，有人則建議「可唔可以反客為主，我哋問返佢攞利是。」
來源：Facebook
港人貪平上網買iPhone中伏！慳錢竟變成買假貨 驚揭原來機身序號都可以「重用」？
TVB節目《東張西望》日前（24日）報導一宗網上購物騙案的個案，有觀眾在網上交易平台Carousell看到一部全新iPhone 16 Pro Max僅售$9000，價錢比起官網標價平逾千元（現時官網售價為$10,199）。事主不虞有詐，於是當日便與賣家相約在太子附近進行面交，卻沒想到會因此落入了騙徒的陷阱...
▼新手機3個奇怪之處▼
驚人大發現！一查先知無6年前舊機
事主心知不妙，於是馬上查看這部手機的機身序號，他發現其機身序號跟包裝上的號碼相符，而且官網上也有查到其裝置序號。不過，事主仍認為這部手機有太多奇怪之處，最後還是向《東張西望》報料、並便把手機交予節目組。
主持很快發現手機有卡頓的問題，而且機身按鈕鍵也有鬆動，再三檢查後，更發現手機上的IMEI與包裝盒上的號碼有所不同，而且手機上符IMEI竟出自6年前另一品牌的舊機，加上事主遲遲未能聯絡到賣家，進一步證實了他的確遇上了網上購物騙案。
最後《東張西望》主持奉勸大家買手機時不要貪平，最好還是要去信譽良好的實體店購買。報導一出，很快吸引大批觀眾熱烈討論，但大部分人都表示「抵佢俾人呃」，紛紛留言「咁貴嘅機幫襯D不明來歷」、「講咗好耐啦，仲有人中招」。有人指出，事主之所以會墮入騙局，一方面是他貪小便宜，加上又太容易相信別人，「買得iPhone就唔好貪個一千幾百」、「買8千幾蚊嘢，唔現場check機，係有錢定天真！」
將軍澳疑出現「迷暈黨」 ！專揀一類人落手？網民爆受害經歷 形容似服乖乖水
近日，1名港男在在Facebook「將軍澳主場」群組以「街坊注意」為題發文，指自己在12月29日約晚上六點半，見到「在唐俊街DONKI對出，有兩個一高一矮懷疑騙錢黨出沒」，其中「矮嗰個可能手中預備不知道什麼煙而有所動作」，令樓主懷疑是「迷暈黨」呼籲大家小心。
樓主亦拍下兩名女騙徒，不斷追問兩女「做乜遮面呀？呃人錢呀 ？」和「做咩遮面走呀！」，但當中較矮的女子疑似聽不懂。
帖文引來眾多網民討論，不少人都稱自己遇過2名涉事女子，指「係富康花園，出現5:45,問人要錢」、「今朝先入咗嚟將軍澳村問我老公可唔可以借錢俾佢食飯！就係佢兩個」和「今日4點幾鐘係田下灣村(天后廟)見到佢哋」，更有人指「真係有迷魂煙 最近好多細路仔女喺尖沙咀比左錢人」，中招的街坊形容「類似迷魂黨 感覺好似比人強制索左d乖乖水咁佢講乜你做乜」。
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】安記鮑魚發財全盒！
↓ 新年限定～再送兩套限量版利是封🧧 ↓
↓【限時搶⚡】BHAWA香薰減壓滾珠精油系列！↓
↓ 天然成分｜幫您放鬆、緩解焦慮↓
