港女打邊爐險被燒裙極驚險！電掣位傳出燶味伴隨藍火閃燃！餐廳回應遭圍轟！
打邊爐險釀火災？近日1名網民在社交平台上發文，分享自己打邊爐時遇到的驚險經歷。網民指因餐廳電掣擺放位置不當，一度傳出燶味更有藍火閃燃，事主亦差點「燒著條裙」，險些引發火災。惟事後店方竟只為事主調位，並這樣回應，惹來事主和網民的圍轟，更有不少曾光顧該餐廳的網民分享相關經歷，即睇下文了解事件詳情！
港女打邊爐險被「燒著條裙」
近日，1名港女在Threads上以「故事教訓我地餐飯點抵食都冇用」為題發文，指自己吃火鍋時因餐廳電掣擺放位置不當，現場一度傳出燶味更有藍火閃燃，險些引發火災，女事主更差點「燒著條裙」。事主其後向餐廳反映只獲安排調位，餐廳回應令女事主非常不滿，即按圖看完整事件！
電掣安全問題惹爭議
對於女事主表示的電掣安全問題，網民反應兩極，有人質疑女事主誇大事件「香港有接地線, 燒著你條裙之前, 必定已經斷電」、「吹到差啲燒着條裙 又警世…」，亦有人嘲諷女事主「人哋都裝咗喺梳化最側面，咁大張枱係要坐近個電掣位」和「其實都無燒著過，想人賠啲咩？」。
不過也有曾光顧該餐廳和不同分店的網民表示自己亦曾踢到電掣，「都係一樣 一餐飯踢甩咗4 5次」、「之前食過都試過踢到個電掣，不過就好好彩冇燒着」，亦有人指餐廳環境擠迫「一出lift就已經見到三四張枱既客坐係升降機出邊打緊邊爐 零間隔可言」、「食到攰攰地 你仲可以考慮挨係後邊個客個背脊度」、「食過一次d位好X迫夾（挾）」。
▼原帖文▼
來源︰Threads@guns_world_
港生活人氣本地熱話
【請您試用】敏感肌美白推薦面膜！
天然漢方溫和美白！位元堂珍珠美顏面膜粉～
全新功能《U GO》強勢登場🎉！
立即探索🔍本地熱門活動📍好去處🔔食玩買情報
