5個你可能不知道香港麥當勞乜乜乜
位於沙田新城市廣場既麥當勞，捱唔過貴租，將會係今個月15日就搬走。住係沙田既小記仲記得中學放學成日同女神係呢間M記溫書，吹水。仲記得女神最鍾意食2號餐加大雪碧小冰…
唉可惜呢一切都只會成為回憶...原來不知不覺間M記已經成為我地生活既一部份，但你有冇唸過M記好多鮮為人知既一面，就等小記同你分享一下啦!
1)香港第一間M記
在百德新街除左有愛侶，原來仲係香港第一間老麥成立既地方。1975年1月8日，第一間麥當勞餐廳係銅鑼灣百德新街開幕，不過已經執左！
2)異國風情的紅磚屋M記
位於沙田廣源邨呢間老麥2010年開業，外形夠哂特色，紅磚牆身，屋頂形設計，遠望好似一間小紅屋，唔講仲以為外國的麥記，當年更曾創出香港麥當勞最高分店總數的歷史記錄。
3)可能是香港上鏡率最高的M記
大埔太和村呢間M記除左有個專用既兒童遊樂場，仲會不時出現喺香港麥當勞廣告入面，就好似上面拼圖下方是2014年麥當勞超級隊長廣告，都有太和M記的影子，有印象嗎?
4)最適合「一個人」去的M記
位於尖沙咀山林道既M記對冇朋友或女朋友陪捱M記既人夠哂貼心，特設靠牆既單邊座位，有啲位仲加木框等你同隔離位隔開，超有「自修室」feel，夠哂私隱，想一個沉思就最啱。
5)香港曾有一所「漢堡大學」
「漢堡大學」唔喺德國，而係曾經選址銅鑼灣！香港漢堡大學（Hamburger University, HU）於2002年成立，可惜好快搬遷到上海。雖然間大學叫「漢堡」，但唔教你整漢堡，而係教你點樣經營一間成功既M記，專用來培訓員工之用，聽聞讀完仲可以晉升做經理添。
相關連結：
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
