娛樂圈中「多仔公」林盛斌（Bob）與太太黃乙頤結婚17年，二人婚後育有三女一子，一家六口子的生活溫馨幸福美滿。Bob作為金牌司儀，口才好又轉數快，但原來都有問題難到他？
林盛斌大女帶男友見家長
Bob大女（霏霏）今年16歲，長得亭亭玉立，Bob過往曾表示擔心，直言「呢啲款，我細個嗰陣，溝硬 」而擔心的事情終於發生，霏霏趁著新年帶男友見家長，Bob就在社交平台上問「我個女話今晚帶佢男朋友返嚟見我，請問帶啲咩我要注意？」即時引來一眾圈中好友熱心回覆，湯洛雯就笑指「入廚房收埋啲刀先」，陳煒就表示「保持冷靜😂」，陳家樂就建議「戴返個假髮，扮唔係bob」，而胡定欣就好奇地問「見完？覺得點？」，亦有網民表示「想睇直播」，相當搞笑！
↓↓點擊放大查看更多網民留言↓↓
林盛斌大讚囡囡男友優秀
雖然Bob未有在社交平台上與網民分享當晚的細節，不過他接受訪問時就話「第一次見囡囡男友，嗰刻成個人㷫晒，腎上腺素標升。」看來見慣大場面的Bob亦有緊張的時候！Bob其後又大讚囡囡男友有3大優點，包括幾高大、幾靚仔及幾有禮貌，又指「肯定好過16、17歲時候嘅嗰個我！」他表示當晚見面沒有刻意留難囡囡男友，只簡單地與對方聊天，不過就有特別叮囑囡囡與男友入房玩時要緊記開門！
↓↓點擊放大查看更多Bob大女的相片↓↓
圖片來源：IG@bob_lamshingbun、IG@fayelammm
原文：U Beauty
」，
App內睇文同睇片可隨時捕捉U Fun彩蛋，
換領現金券及禮品！
↓ 【U Jetso】亞洲素食展2025電子門票🌱！↓
↓ 逾6,000種最新素食+素生活產品💚逾80場精彩活動😍！ ↓
【持續更新中】各地打卡攻略合集📸！
