TVB劇集《富貴千團》除了兩大詐騙集團OPM及Smart Cap的鬥智鬥力夠晒吸引，女主角之一傅嘉莉的造型及拼搏演出亦為劇集一再增添亮點。傅嘉莉在劇中飾演擅於操控人心（PUA）的Smart Cap中堅份子Irene，不但口才一流，身形與顏值同樣一絕；加上角色表面美艷睿智、實則心狠手辣，故亦不時需要在劇中展現變臉絕技。
說到造型，單以傅嘉莉（Kelly）的出場戰衣來說，超貼身的剪裁將其美好身形展露無遺，堪稱360度零贅肉、零死角；至於另一套低胸波點公主袖戰衣，單從正面看已夠晒女人味，加上背部的修身剪裁及大露背綁帶設計，再次突顯Kelly超完美線條。
觀乎傅嘉莉的數款露背裝，其背肌線條操得相當完美，尤其中間清晰結實的坑位，更是要付出不少努力才能操到的效果。對於傅嘉莉的索女造型，網民一致讚好：「傅嘉莉呢個頭又幾正」、「索到飛起」、「樣靚側面睇有前有後，呢個年紀仲咁正。」
傅嘉莉接受訪問時，笑言近日劇集出街後，監製亦忍不住大讚她拍攝期間身形甚弗：「監製最近都message我講咗三次，『你嗰陣真係好弗呀』，我都有因為咁即刻回顧番（套劇）。其實諗番起個拍攝真係心驚膽跳，其實出場嗰條裙，最大挑戰除咗係keep弗，仲有係收咪，因為支咪真係唔知點擺好。」
傅嘉莉說：「因為我哋用無線咪，即係主機能一條線有個咪頭咁，個主機真係好難收。而我出場嗰條裙，無論個主機擺喺邊都係會穿崩嘅，前後左右都唔得之餘，擺喺大髀中間又條裙太短喎，嗰時真係諗盡辦法。最後我要每拍完一個鏡頭，就要換一換個主機嘅位置，即係拍我back shot，我就擺番個主機喺前面，仲要每一次都要入廁所整，好攰呀！」
傅嘉莉續指由於試造型時已知道所有衣服都相當蝦人著，故此拍攝前不無壓力，還因而開啟了做運動及節食keep弗模式。
港生活人氣娛樂新聞
↓【限時搶⚡】La Maison du Chocolat 冰雪朱古力禮盒↓
↓香脆朱古力外層｜配上軟滑朱古力慕斯↓
【浪漫旅人祭🌸】登記贏禮品！
↓大派旅遊資助金💰 x 實用旅遊禮品✈️↓
