【生活有預算】2025情人節禮物街訪大搜查！男士豪洗$2萬蚊買呢樣！冇禮物收都未係最伏？

今年情人節點慶祝好？

近日記者就在街上隨機向路人訪問，2025年打算過一個怎樣的情人節呢？不少男女都有為另一半準備禮物，如波鞋、玫瑰、動漫模型等，價錢大概花費$800至$1,000左右。甚至有一位小學生揚言自己有女朋友，並打算送朱古力予對方之外，當晚亦會與女朋友、媽媽等一同夾份去打邊爐！另外，都有不少情侶打算當晚打邊爐、食蛋糕等方式慶祝情人節，大概就花費$1,000內在食飯方面。

即刻去片

+3

+2

點擊圖片放大

曾收到/送出的情人節禮物

一眾街坊除了今年之外，以往都有不少慶祝情人節的經驗。有男士表示曾送出一隻$20,000多的求婚戒指予女方，亦有女士大概花費$1,400元送出Airpods耳機予男方；另外，都有女士分享曾收到另一半送出的Pandora手鍊，更有另一半豪洗$4,000至$5,000元送相機予女朋友！不過就並非人人都有幸收到開心的禮物，即睇情人節最伏經歷！

+5

+4

點擊圖片放大

情人節最伏經歷！

有位男士表示「冇禮物收已經好伏」但經過一天的訪問後，記者發現冇禮物收都未係最伏！有人曾經收過另一半送一本《目送》的書、亦有人經Instagram認識對方，在情人節當日約會時卻「唔夠半個鐘就返咗屋企」，不禁令他大喊「好伏啊！」。不過，都有人表示「愛情無價㗎」、「我唔係好介意情人節冇禮物，食餐飯慶祝吓就夠」，你和另一半又有冇過一個滿足的情人節呢！

+3

+2

點擊圖片放大