謝霆鋒香港演唱會2025︱謝霆鋒演唱會︱謝霆鋒相隔廿五年之後宣布將會於今年4月於啟德主場館舉行兩場演唱會，早前優先購票門票秒殺，門票炒至17萬一張，連母親拉姑都嗌救命冇飛啊！霍汶希就呼籲各位要理性購，切勿炒賣。
楊博士透露拉姑嗌救命
由於全城瘋搶，近日疑似有「黃牛」在網上放飛，門票被炒至17萬多元一張，認真誇張！雖然霆鋒開show，但就連阿媽狄波拉都大呻冇飛，英皇集團主席楊受成博士透露：「阿拉姑都嗌晒救命呀！」當問到是否唔夠膽聽電話，驚人打去求飛，直言：「聽（電話）！點會唔聽！我話你哋登記先，到時如果有我就俾你。」
相關文章︰謝霆鋒演唱會2025 座位表+公開發售日期！Cityline優先購票+購票連結！附票價詳情
霍汶希呼籲勿買黃牛
有人再問會否加場？楊博士發揮幽默本色，稱：「你知佢好有性格㗎，冇人可以叫到佢㗎，佢而家諗緊。」對於門票被炒高至6位數字，日前跟楊受成、四哥、拉姑及霆鋒團拜的英皇娛樂集團營運總裁霍汶希（Mani），便籲大家要理性購票：「大家咁支持霆鋒當然開心，但希望大家理性啲，唔好咁炒貴啲飛，同埋唔好幫襯黃牛。」
來源︰HKET
延伸閱讀︰謝霆鋒家庭世紀大合照最新曝光 謝賢傳中風後罕有露面近照見精神
謝霆鋒近日宣布將於2025年4月25日至26日在香港啟德體育園舉行《Evolution Nic Live》演唱會，消息一出隨即引起全城熱議與期待。不過早前在網上疑似「黃牛」於網上放飛，門票被炒至十七萬多一張，經理人霍汶希亦呼籲粉絲要理性購票。日前她更貼出與謝霆鋒一家拜年的世紀大合照！
謝霆鋒家庭世紀大合照曝光
謝霆鋒是藝人謝賢和狄波拉的長子，不過二人於1995年離婚，因此多年來都鮮有家庭照流出。加上近年88歲的謝賢曾一度傳出中風消息，鮮有露面。不過日前謝霆鋒的經理人霍汶希就在IG貼出與老闆楊受成以及謝霆鋒一家拜年的相片，並表示：「2025首聚❤️同老闆、四哥、拉姑&霆鋒見見面慶賀新春，好耐冇見到四哥，梗係要嚟張世紀大合照啦☺️」
相中見謝霆鋒一身隨性打扮，灰色衛衣配上黑色帽子，站在媽媽狄波拉身旁。而狄波拉將手搭在謝賢肩上，見謝賢打扮相當型格，精神看起來亦不錯！一家三口激罕合照！
謝霆鋒啟德演唱會
謝霆鋒近日宣布將於2025年4月25日至26日在香港啟德體育園舉行《Evolution Nic Live》演唱會，消息一出隨即引起全城熱議與期待。作為華語樂壇的傳奇之一，謝霆鋒今次回歸不僅是樂壇一大盛事，更是許多粉絲心中長久以來的夢想成真。自2000年以來，他已經有25年未在香港舉行大型個人演唱會，這次的演出被視為他重返舞台的重要里程碑！
謝霆鋒日本滑雪三父子同框
44歲的謝霆鋒日前宣布將於今年4月在全新啟德體育園舉行個唱，令粉絲引頸以待。近日趁住農曆新年，謝霆鋒飛日本渡假，一向熱衷滑雪的他再於IG上載自拍炫技，型到炸裂！胞妹謝婷婷亦分享照片，曝光霆鋒罕有與兩個兒子Lucas和Quintus同框照，驚覺兩個仔仔暴風成長，如今已經高過爸爸！
來源：IG@謝霆鋒
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】BYO自助烘焙「我係熊啤啤」自助烘焙體驗！↓
↓ 三重朱古力蛋糕三文治｜玩得又食得↓
↓【限時搶⚡】SMS Cosmetics UV雙效紅外線隔離霜！↓
↓ 長效阻隔UV及紅外線｜同時保濕、滋養肌膚↓
