《東張西望》女神「貓仔」黎寬怡（Kitty），自上月社交平台宣布婚訊後，昨日（16日）正式與拍拖多年的童顏攝影師男友拉埋天窗！恭喜晒！「貓仔」出嫁時更身穿低胸裙，可謂閃爆全場，《東張》主持仝人也到場祝賀，場面非常墟冚，一眾「東張女神」力搶花球，場面混亂！
黎寬怡拖爸爸行禮 宣誓後同老公錫得纏綿
昨日「貓仔」黎寬怡與男友正式拉埋天窗！她先在教堂行禮，黎寬怡穿上一身白色婚紗，拖住爸爸步入教堂，場面非常感人！她接受訪問指：「好感謝啊，我覺得爸爸拖我出去教堂嘅時候我就已經忍唔住啦，我冇諗過原來喺幻想入面拍戲同自己行嘅時候係咁唔同㗎！」而黎寬怡與老公宣誓後，兩人錫得相當肉緊，黎寬怡先單手抱住老公，腰部放軟，另一隻手持咪舉高；再挺身「反攻」老公繼續接吻，最後兩人相互擁著，簡直幸福四射！
而被問到婚後會否「幕前」減產，黎寬怡則指：「我最鍾意就係做《東張西望》，再去啲老鼠屋同曱甴屋我都唔怕㗎。」
梁敏巧失落花球 鄧凱文得米：嫁得出啦！
黎寬怡搞婚禮怎少得一班「東張女神」鼎力支持？她拋花球的時候，引來一班女神「龍爭虎鬥」，最後花球落在鄧凱文手中，同場的賴彥妤、王汛文通通冇份，而手拎愛馬仕Mini Constance 19 大象灰金扣手袋的梁敏巧都立即扁晒咀！而鄧凱文成功搶到花球，象徵好事近，故然開心，她立刻衝到鏡頭前得意洋洋說：「yeah！搶到啦，嫁得出啦！」
黎寬怡晚宴靚相逐格睇 白色低胸裙閃爆全場
而區永權亦有現身黎寬怡晚宴，還在IG釋出多張晚宴靚相！而黎寬怡穿着的白色低胸裙更閃耀全場，非常搶眼，之後她換上紅裙向賓客祝酒，期間仲播出8分鐘求婚片段，片中新郎馮俊昇彈住結他，在朋友協助下，向老婆求婚，更指黎寬怡為人感性，就連睇《多啦A夢》都會喊，而黎寬怡更明言會考慮「造人」生仔！此外，黎寬怡手上戴滿龍鳳鈪、戒指和頸鏈等不同金器，看來真是嫁得相當之好！
東張女神黎寬怡晒唯美婚紗照
現年30歲的「東張女神」黎寬怡（貓仔）近年因為曾在《東張西望》採訪時突然爆喊，而令網民認識。黎寬怡早前無預警公布結婚喜訊，大晒過大禮強勁排場。她在IG社交平台公開唯美婚紗照！
黎寬怡早前無預警宣佈封盤，並在今年2月成為人妻。日前她亦在社交平台大晒唯美婚紗照，一連換上三套衣服，片中可見黎寬怡與老公Anthony不時甜蜜對視，更在街上起舞，浪漫氣氛，羨煞旁人。
▼▼點擊睇「貓仔」婚妙相▼▼
相中可見，除了鮑參翅肚、八大精美禮籃，更有兩對巨型龍鳳鈪，４條金頸鍊，禮品陣容勁豪華。另一張相，就見貓仔與Anthony甜蜜錫錫，羨煞旁人。貓仔曾表示行出房門看到這麼多禮品，都有被震撼到，第一次被那麼多禮物包圍，感到很驚喜意外，整個過大禮過程氣氛都很好。而爸爸媽媽都十分滿意，不停拍片影相，更笑到見牙唔見眼，感動大家見證自己的幸福時刻。
」，
App內睇文同睇片可隨時捕捉U Fun彩蛋，
換領現金券及禮品！
↓【主子請慢用🙇】送您喵星人dah「好物試用組合」！↓
↓ 【U Jetso】亞洲素食展2025電子門票🌱！↓
↓ 逾6,000種最新素食+素生活產品💚逾80場精彩活動😍！ ↓
