現年35歲的小花（譚杏藍）兩年前同男友Ronald高調公開拍拖，不時分享二人甜蜜時光，小情侶在去年8月宣佈異地求婚成功。日前正式公開過大禮的靚相，巨型龍鳳鈪、金豬牌、流星錘等金器，珍貴海味嫁品多到一張檯都放唔晒，陣容豪華超誇張！
譚杏藍過大禮晒巨型龍鳳鈪
譚杏藍日前正式公開過大禮相片，豪華嫁品陣容超誇張，從相中可見，檯上放滿有齊各式各樣的禮餅、海味禮品、水果籃、椰子籃及酒等嫁品。而在金器方面，巨型龍鳳鈪、金豬牌、流星錘等金器樣樣有齊，而龍鳳鈪更足足有10多對，擺滿整個客廳金光燦爛，排場相當勁。
譚杏藍宣佈求婚成功
小花去年8月同一班朋友以及男友，包括同期《亞洲星光大道》的班長一齊去到日本旅行，而小花男友Ronald原來策劃了，在花火大會期間同女友求婚，非常浪漫，小花曬出藍莓咁大粒的鑽戒，留言：「Thank you & YES❤️💍🎇餘生還請繼續多多指教。」而一班見證他求婚的好友相信都為他們影了不少靚相！
譚杏藍宣佈與恆仔分手
小花三年前同樂隊ToNick的主唱趙善恆（恆仔）宣布分手，未幾就同Ronald不時於社交平台放閃，又不時表示同男友好夾。去年2月19日恆仔在二人分手一周年時突然於社交平台貼黑屏照並發文，指自己過去一年受到兩件大事影響，分別是爸爸因血癌離世及與拍拖十年的女友分手，他更謂：「抑鬱咗一年，爭啲想走」，還說怕自己真的會做「傻事」，最後他說自己用了一年時間來調整心情，重新出發，他亦有透露現在已經開始了一段新的戀情，希望大家讓他好好過生活。
來源：IG@譚杏藍
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】原箱茄汁味波浪薯條↓
↓ 波浪形切口更加香脆｜酸酸甜甜，惹味滿分↓
↓【限時搶⚡】小牧味屋酒鬼花生↓
↓ 原味、麻辣味｜睇波、煲劇、聚會必備↓
