巴士上層阿伯大戰眼鏡男！近日有網民在社交平台上傳了一段影片，巴士車廂內捕捉到一位阿伯與一位中年眼鏡男發生罵戰。二人情緒激動而且不斷口出狂言，不但向對方狂爆粗2分鐘，眼鏡男更是曾兩度有意圖出手。幸得途人和友人的阻止方平息怒氣，即睇完整片段。
巴士上層阿伯大戰眼鏡男
近日有網民在Facebook群組「香港突發事故報料區及討論區」上傳了一段長約2分鐘多的影片，片主在一架途經牛池灣的巴士上層車廂內，捕捉到一位阿伯與一位中年眼鏡男發生罵戰。片中可見，阿伯跪在座椅上身靠在椅背，對向後方的眼鏡男。眼鏡男對阿伯斥罵「你老母X唔啱在先仲喺到齮齮齕齕，阻X住晒人哋」，阿伯反駁「你講還講唔好X人老母」，眼鏡男就更加激動「X你咪X你囉而家」，未知二人先前的爭執起因。
二人車廂內狂爆粗2分鐘
巴士一直行駛，二人座位相隔一行之距仍繼續爭吵不斷。這位中年眼鏡男的女友人在旁亦出言相勸「唔好嘈啦，坐返低啦」不過未有效。阿伯手指指向眼鏡男怒斥「X你咪X你囉」、「落車啦X你老母」，眼鏡男隨即就企起身想下車，不過就被一旁的女友人截停。隨後就向阿伯大喊「落車！一齊落車！唔好嘈，唔好阻住其他人」。
乘客勸架：成車都唔想有人嘈啊
後方一位男乘客就出言相勸「先生先生，算啦。阿伯你坐低好無啊」，其他乘客都紛紛調位離開現場。阿伯續為自己抱不平「我算啦，佢X我老母就唔啱」，眼鏡男更加激動破口大罵「咁你出乜X嘢聲啊！坐低啦！」。男乘客就出言勸架，手指向阿伯「你收口你坐低」，再拍拍眼鏡男膊頭「得啦得啦，唔好咁嬲」。不過二人火勢仍未停，一直互相爆粗並爭吵2分鐘多。
眼鏡男疑兩度欲出手
直到眼鏡男突然企起身想衝出去，又再一次被女友人阻止。女友人眼見勸架多次無效，就索性坐去另一行。阿伯亦終於坐下來，二人似乎就停止罵戰，影片亦就此結束。
網民嘲：老母好無辜
影片引來大批網民留言紛紛熱議，由於二人在片中爭吵多次爆粗，網民就嘲笑指「一日都係個老母唔啱」、「做香港人老母壓力真大」、「相嗌唔好口」，即睇其他網民點講！
」，
App內睇文同睇片可隨時捕捉U Fun彩蛋，
換領現金券及禮品！
↓【主子請慢用🙇】送您喵星人dah「好物試用組合」！↓
↓【限時搶⚡】小牧味屋酒鬼花生↓
↓ 原味、麻辣味｜睇波、煲劇、聚會必備↓
