痞子無間道｜JW腳踩朱敏瀚塊面留腳趾印 自揭事前瘋狂消毒雙腳勁尷尬
《痞子殿下》2023年播出時叫好又叫座，連帶四位主角周嘉洛、陳瀅、朱敏瀚及JW王灝兒亦成為不少觀眾及網民心目中的最佳拍檔。今年，四人領銜主演的《痞子殿下》續集《痞子無間道》載譽歸來。JW王灝兒今次在劇中飾演神力高強，與朱敏瀚飾演的慕容恭梓再續前緣。
JW用腳踩朱敏瀚面留清晰腳趾印
早前一集講到，高強（JW飾）與公子（朱敏瀚飾）的「床戲」。場口講述高強企圖用腳為公子冚被時意外將整隻腳踩落公子的俊面上，但由於腳抽筋，高強遲遲未能「收番隻腳」，最終令公子面上留下腳趾印！搞笑的是，原來相關腳趾印並非靠化妝，而是JW的真‧腳趾印。
自揭事前瘋狂消毒雙腳
JW接受訪問時，搞笑地還原「事發經過」：「呢件事真係好難忘，當時我啲腳趾直情喺朱仔個嘴隔籬，跟住我係大力到，我隻腳離開佢塊面嘅時候，啲腳趾嘅紅印都仲喺佢塊面度咯，哈哈！我之前都有用消毒紙巾抹咗隻腳好多次，始終都係將隻腳擺喺人哋塊面度，嗰幕真係辛苦朱仔同埋唔好意思。同埋因為劇情佢仲會幫我捽腳，所以真係有啲尷尬！」
港生活人氣娛樂新聞
↓ 賞您香港書展2025電子門票📖 ↓
↓ 同一門票可入埋「零食世界」及「香港運動消閒博覽」↓
↓【限時搶⚡】送您Sweety Eyes by cl mall日本PIA日拋彩妝隱形眼鏡↓
↓甜美可愛系、自然亮眼系、明星款｜獨家9折優惠↓
