歌手泳兒（Vincy）近日與家人飛到英國倫敦旅遊，更相約好友填詞人黃偉文見面。她又專程到博物館參觀，為「朝聖」與自己相似的木乃伊自拍，直言：「真係可能係我前世」！
泳兒被指撞樣木乃伊
泳兒在社交網站分享遊英照片，相中她攬住好友黃偉文，指最難忘是與他聚會，「今次嚟到倫敦最開心，最難忘嘅事一定係見到你 @concertyy ，同埋可以親自去會一會你當年發掘嘅木乃伊泳兒。多謝你帶我地去食好嘢，仲幫我諗埋可以去邊度玩。你話驚自己長氣俾咁多資料我。我想講我最鍾意人哋長氣ah，代表真係好上心。 下次見，俾個機會我下次搶到張單ah!!!」
之後她又參觀博物館，見她與木乃伊自拍。原來黃偉文當年曾影「木乃伊泳兒」的相給泳兒，而泳兒今次親自「朝聖」，留言：「實不相瞞，當時睇相已經覺得好似，見到真身之後：哇，真係可能係我前世！」有網友亦留言：「個木乃伊真係撞樣Vincy」、「個木乃伊好正，竟然撞樣」、「木乃伊膚色黑啲!真係同Vincy撞樣!」
泳兒遊布吉罕有曬三點式
泳兒(Vincy)不止有天籟靚聲，原來「禾稈冚珍珠」，仲有一副靚body！近日她難得放假，就與男友飛到泰國布吉歎世界，於無邊泳池大歎Floating早餐，更罕有曬比堅尼，高炒角度令上圍顯得更澎湃，粉絲都相當驚艷！
泳兒在社交平台分享自己在布吉渡假的「風涼」照，平日因歌曲比較喜歡暗黑造型的她，穿上黑色泳衣性感大解放，難掩豐滿上圍的好身材，跟男友泳池邊曬太陽，一邊戴住黑超浸住泳池水，一邊Hea歎Floating早餐，泳兒留言說：「二人成行，快閃叉叉電。純粹諗住休息兩日，所以主要都係留喺個Villa度，佢有個app勁好，可以透過佢call酒店嘅車，車你去酒店嘅設施，同frontdesk溝通，同埋Make Bookings等，唔使成日打電話，對於唔鍾意打電話嘅我係幾好嘅，仲可以叫外賣幫你送到去你個Villa。The Meka Sky Lounge d 野（啲嘢）勁好食，佢下午四點幾先開場。我估主要俾人360度睇日落，所以記得太陽落山前就好去啦，唔好好似我咁Miss咗，想玩水泡，要喺出面自己買。」
↓↓↓按圖看泳兒布吉度假照↓↓↓
泳兒與男友低調拍拖12年 難得放閃
泳兒跟髮型師男友Ziv拍拖長達12年，愛情長跑的感情穩如泰山，多年來被催婚無限次，泳兒的社交平台平日多數都係分享工作相關的靚相，感情方面較低調，難得今次大方「放閃」，不少圈中好友和粉絲們都大讚甜蜜。
其實去年好友陳家樂和連詩雅結婚當日，泳兒已經接到花球，未知是否真的會有「嫁期」呢？
來源：泳兒IG
原文：U Travel
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】原箱茄汁味波浪薯條↓
↓ 波浪形切口更加香脆｜酸酸甜甜，惹味滿分↓
↓【限時搶⚡】SMS Cosmetics UV雙效紅外線隔離霜！↓
↓ 長效阻隔UV及紅外線｜同時保濕、滋養肌膚↓
