熱愛優質生活
首頁   \   港熱話   \   空間錯覺相玩轉香港 六維空間男生:想大家一齊玩

空間錯覺相玩轉香港 六維空間男生:想大家一齊玩

圖片來源: fb@生活在六維空間的男生
2015.04.23

文: C編

  

若你行出街,見到班友瞓在地上,郁都唔郁,不要怯,不是邪教周末團拜,他們只不過在影錯覺相。

「其實我哋想身邊嘅人多啲留意身邊事物,你每日見到嘅街道,換個角度睇會好有趣。」facebook專頁「生活在六維空間的男生」(簡稱六維男生)管理人臘味說:「香港生活太急促、枯燥喇。」

目前facebook累積超過5,700粉絲的「六維男生」,由幾位設計系畢業生組成,別給專頁名稱誤導,這個專頁有女成員的。他們走遍香港多個角落,嘗試側埋一邊看事物,以創意、攝影技巧與藝術觸覺,拍下錯覺街道圖,公諸同好。

而創作的開始,通常都在最不尋常的情況下發生,例如開OT。三年前,臘味在設計公司開OT,無聊,想試試像外國網站熱傳的錯覺相一樣,試影幾張相,點知趣味一發不可收拾,翌日立即拖朋友落港鐵站一影再影,繼而開Page延續這個興趣。

想影張相 被指TAKE嘢

很多人看過相片後給讚,然而這些相片背後都有著不少香港的慣性束縛。

跟朋友落油塘港鐵站影相的那次經驗,臘味說印像非常深刻。「記得我哋影相試位嘅時候,港鐵職員開咗兩次咪,無記錯係兩次。」成員Am原句轉載當時那句廣播:「乘客請勿瞓喺月台。」然後,有職員上前問他們「係咪Take咗嘢?」其後,他們在不少商場試影,都被管理員趕走,「要影相就唔好瞓喺度」。是因為當時太多人,或是因為這個城市不喜歡創意呢?六維男生曾在facebook上寫下這些感言:「你可以話自己對藝術或者創意設計無興趣,但我地嘅生活根本就離唔開依啲元素。其實有時就係需要依啲生活上少少不平凡嘅衝擊,就可以活化一個社區或者一個城市令其充滿活力。」

快速判斷 瞓身擺甫士!

也許影相似做賊,影一張相,擺甫士、修正、按下快門,其速度要快如澳牛落單。通常他們做的「瞓身甫士」包括扮行路、吸上天花、跌崖、壁咚Laughing哥單手撐住身體等。

圖片來源: fb@生活在六維空間的男生 

心得嘛,熟能生巧,試一次,不像樣,修正,直到滿意,用的相機不用講究,不要過份廣角,電話影相已經很好,最緊要角度。有一樣東西卻很重要:「要拉筋!Hold住個甫士會酸痛架。」

  

內容評分
評語