8大散水餅堪稱辭職「報復餅」！職場新人送1罐可樂？西餅不再受歡迎
8大散水餅被網民堪稱「報復餅」？離職時請同事食散水餅是職場禮儀之一，以感謝一班同事、上司的照顧。不過，散水餅的質素都有分好與差！甚至有網民力數出收過最差的散水餅，揶揄稱為「報復餅」！有網民曾經收過位職場新人一人派一罐可樂，都有位「主角」任何節日都會見到佢！即睇職場上堪稱「報復餅」的食物有啲咩！
散水餅被網民封收過最伏？
不少打工仔都曾經收過散水餅，甚至派過予一班舊同事。近日就有網民在討論區問到「見過最肉酸嘅散水餅係咩」引起熱議。不少網民都留言力舉收過不少零食當散水餅，甚至有一款任何節日都會出現，就連離職日都可以做散水餅？即睇職場上堪稱「報復餅」的食物有啲咩！
散水餅 1.金莎朱古力
大時大節送禮都一定有份的主角之一，就是金莎朱古力。在新年去親戚、上司屋企拜年都有機會當禮盒送贈對方，但竟然有打工仔連派散水餅都出動到金莎朱古力？不但令人感覺「冇心意」，甚至有網民指「收到一人一粒金莎」。
散水餅 2.即食魚肉腸
魚肉腸是陪伴不少港人成長的零食，通常都可以在超市、便利店見到5至6條魚肉腸一紥售賣，放在Office當做零食醫口痕都不錯。不過由離職同事以散水餅形式送出，就好容易令同事覺得「太兒戲」。
散水餅 3.西餅
西餅是不少場合都可以帶上的小點心之一，無論探訪親友、下午茶醫肚都是不錯的選擇。相信上一代送西餅都是不錯的選擇，不過似乎現在已經不是人人都喜歡將西餅當作散水餅，甚至有網民覺得一件西餅只值幾蚊，令職場上的交情都變得「廉價」。
▼即睇網民點講▼
散水餅 4.四洲紫菜
四洲紫菜絕對是經濟實惠之選！一包就已經有100小包紫菜，不少人都依然會買四洲紫菜在家中當零食醫口痕。不過紫菜當作散水餅似乎就「物太輕」未能夠表達到「情義重」的心意。
散水餅 5.一罐可樂
散水餅除了送食物、零食等，都有人離職時會送飲料。有網民就分享一位職場新人離職時，竟向一班同事送上「一人派咗罐可樂」，令他感到極為新奇！雖然人人都喜歡飲可樂，不過當作散水餅似乎就「未夠得體」。
散水餅 6.一塊餅
不少網民都提到有前同事帶一大罐餅乾返公司派餅，有嘉頓雜餅、丹麥藍罐曲奇，就連Oreo都有！不但是派餅乾，而且每位同事都只係得1塊！場面令人尷尬又好笑。有網民留言「收過真係得一塊餅」、「一塊cookie」。
▼即睇網民點講▼
散水餅 7.旺旺
旺旺仙貝和旺旺雪餅是不少港人的童年回憶，同樣是經濟實用惠之選。一包經濟裝就可以滿足到全公司的零食胃，如果平日派小點心予同事開心都是不錯的選擇，但派散水餅似乎就有點「太經濟」。
▼即睇網民點講▼
散水餅 8.空氣
雖則離職時請同事食散水餅是職場禮儀之一，不過未必人人都會派。有網民表示離職後都不會再相見，就不想多此一舉留言「唔派，食空氣啦」；亦有網民理解職場如戰場，未必人人都有愉快的經歷「唔派算唔算，其實如果唔係和平離職冇乜必要派」。
▼即睇網民點講▼
網民嘲：梗係你哋平時對人差
見及有不少網民都收過伏的散水餅，有網民反嘲這班同事「梗係你哋平時對人差」、「照咁睇，藍罐好似唔算太差」。即睇其他網民爆笑留言！
▼原帖文▼
來源：連登討論區
港生活人氣本地熱話
【社群送禮🎁】韓國星級六合一造型神器💆🏻♀️！
輕鬆在家打造韓式髮型～
全新功能《U GO》強勢登場🎉！
立即探索🔍本地熱門活動📍好去處🔔食玩買情報
