《破·地獄》再創佳績連奪影帝影后男配角 掃獎威盡《香港電影導演會年度大獎》

香港電影導演會年度大獎｜《破·地獄》連奪影帝影后男配角

早前《破·地獄》在【香港電影導演會年度大獎】中一連奪得三個獎項「最佳男主角（許冠文）」、「最佳女主角（衛詩雅）」及「最佳男配角（朱栢康）」，以及昨晚舉行之【香港電影編劇家協會】中，兩位編劇陳茂賢及鄭緯機共同榮獲「年度推薦劇本獎」，備受不同界別肯定。而於4月4日清明節即將上映的加長版，令一眾戲迷都十分同期待。

+3

+2

點擊圖片放大

清明節上映加長版 周家怡戲份增加

保留公映版的場面之外，新增豐富故事背景及枝節，當中飾演美玉的周家怡有更多場面於加長版曝光，家怡興奮透露：「好開心有加長版嘅面世，可以圓滿每一個角色，能夠睇到佢哋嘅故事，包括道生家庭故事都會喺加長版入面見到。我最開心係會保持有光明嘅結局，即係美玉嘅BB仍然會保留住，仍然係咁圓滿。」

+4

+3

點擊圖片放大

谷德昭於加長版首度登場

至於深受觀眾期待，於加長版首度登場的谷德昭及岑珈其對加長版同樣大表期待，跟子華及朱康同框演出的谷德昭表示：「能夠在《破·地獄》同大家見面，成為最高票房電影一份子，與有榮焉。」；而戲中跟子華「道生」一角飾演兩兄弟的珈其表示：「當知道加長版面世真係好開心同埋期待。之前導演有講過佢一定會極力爭取出返個加長版，所以我真係好多謝導演，而最最最最多謝都係咁多位買飛入場支持破地獄嘅觀眾，因為係佢哋嘅支持先至會令到呢個加長版可以正式面世。」

+6

+5

點擊圖片放大

岑珈其與黃子華合作感神奇

而岑珈其亦大爆自己是子華鐵粉，有機會合作大感夢幻：「我可以見到子華哥哥超級開心，因為我係好鍾意佢，佢係我偶像之一，仲要可以同佢同場，記得拍攝前一晚真係緊張到瞓唔著，所以真係好多謝導演俾呢個機會我。成件事都係好夢幻，子華哥哥係超級 Nice，拍攝前我哋一齊溝通傾偈呀，跟住一齊去試戲。所以成個過程係好開心好順利，希望加長版出到嚟大家觀眾都鍾意啦，多謝晒。」

+6

+5

點擊圖片放大