港女搭港鐵遇陌生男騷擾幸得職員出手相救!近日有位港女在搭港鐵時,遇上一位陌生男子搭訕,她拒絕交友並遠離對方,但仍未能擺脫對方。就在她孤立無援的時候,一位港鐵女職員挺身而出幫助並保護她,令她大喊「拯救咗我今日一天嘅心情」,期後更親手寫信道謝這位職員,即睇詳細事件點發生!
港女搭港鐵遇陌生男騷擾
近日有位港女在Threads發帖,表示3月14日早上繁忙時間在港鐵九龍塘月台等車時,遇到一位陌生男子搭訕。對方先稱「你對襪好靚」,見港女道謝就再問「可唔可以做朋友」港女隨即就拒絕對方。怎料,這位男子「佢跟住我,我等車又行到我勁埋,行去另一個上車位都繼續跟住望實我」這位男子不斷糾纏事主,令她感到不適。
幸得女職員見狀出手相救
就在事主孤立無援的時候,一位港鐵女職員挺身而出,見狀走到事主身邊詢問她「洗唔洗幫手」,港女立即道謝並表示需要。女職員就陪同港女走到月台的另一個位置並一同等待下一班列車。期間,女職員更一邊照顧港女「仲用手護住我咁」,同時眼神警告這位男子「望住個男人,個男人嚇到彈咗勁遠!」。
港女寫信大讚女職員:拯救咗我
事後港女就在Threads上發文道謝這位「無名英雄」,並讚揚她「佢工作緊都留意到我困惑,主動走嚟保護我」,大喊「一句問候拯救咗我今日一天嘅心情」。為表謝意,她更親手寫信寄往港鐵相關部門,親筆致謝這位女職員!即睇信件內容點寫!
網民:個女職員好醒
不少網民都讚揚這位女職員「這個職員好盡責,做到一眼關七,好嘢!好多人會唔出聲,唔幫手」、「職員好好」、「個女職員好醒」;亦有網民擔心事主「其實遇襲呢的要出聲,越唔出聲蝕底係自己」、「宜家啲人有咁猖狂? 同埋你自己覺得個男人對你有騷擾,你自己都可以出聲嘅」。即睇其他網民點講!
▼原帖文▼
來源:Threads