九龍塘現「天價」福州炒飯！炒飯可樂連茶位埋單三位數！網民錯重點：可樂有冇分別先？
香港物價高企，近日有網民在社交平台上發文，指自己點了一份「天價」福州炒飯和可樂，形容「夠膽去到呢個價錢，梗要叫黎試吓啦！」最後計上茶位和加一服務費埋單竟要三位數。帖文引來眾多網民討論，有人指出餐廳定價一向貴「呢間不嬲都係咁既價錢」，另有部分網民錯重點，關注起可樂的售價，反問「可樂有冇分別先？」，即睇下文了解事件詳情。
九龍塘現「天價」福州炒飯
近日，有網民在Facebook「香港茶餐廳及美食關注組」上發文，指自己日前在九龍塘一間餐廳吃晚餐時，因看見餐牌中的福州炒飯索價$172，表示「夠膽去到呢個價錢，梗要叫黎試吓啦！」。在樓主上傳的收據可見其叫了一份$172的福州炒飯和$30的可樂，計上$7茶位和加一服務費（$20.9），總數為$229.9。
樓主亦上傳福州炒飯的照片，其飯底為金黃色炒飯，配有蝦仁、帶子、瑤柱絲、菜心和冬菇等材料，非常足料。有網民在相片下留言指價錢合理「收呢個價算合理親民。」，樓主亦回覆「覺得抵食到爛」。
網民錯重點：可樂有冇分別先？
不少網民錯重點，討論起收據中的$30可樂，指「可樂係咪唔同啲？」、「30蚊汽水有無覺得好飲咗」、「$30罐可樂有冇分別先？」、「一定要叫朋友去試吓，30蚊嘅可樂是什麼味道」、「汽水就太離譜10倍」、「可樂都夠膽收$30，一定要一滴一滴試真啲」和「重點其實係枝可樂貴」。
另外，炒飯的定價亦引來不少網民討論，有批評店家定價太高「福州炒飯？改1個字貴好多」、「酒樓價錢」、「西貢水魚價」、「170係狼咗啲」和「人地坤遊客，你就送上門俾人坤」。不過也有人指出該餐廳的定價一直偏高，加上租金認為價格合理，「租金都去咗食物嘅大半」、「呢間不嬲都係咁既價錢」和「依間不嬲都唔係一般價錢，但重點，好無食先」。
來源︰Facebook@香港茶餐廳及美食關注組
港生活人氣本地熱話
【請您試用】敏感肌美白推薦面膜！
天然漢方溫和美白！位元堂珍珠美顏面膜粉～
↓【限時搶⚡】又一城歡天雪地溜冰門票↓
↓假日消遣首選｜約埋親友享受滑冰體驗↓
