TVB新劇《奪命提示》除了六大主角陳山聰、張振朗、劉佩玥、劉穎鏇(Tiffany)、丁子朗、郭柏妍夠晒搶鏡亮眼,劇中綠葉的精彩演出,亦絕對值得期待,當中首周便搶閘出擊為觀眾帶來突破的,便是以保養得宜馳名、現年47歲的實力女演員楊卓娜。
楊卓娜化老妝演60+歲清潔女工
在《奪命提示》中飾演神秘清潔女工的楊卓娜,無論衣著打扮或是老妝均入型入格,與平時明艷照人一面有極大反差!楊卓娜接受訪問時,透露角色年齡約為60歲,而為配合、甚至凸顯角色的悲情背景,楊卓娜演繹時刻意加了不少細節位,希望令角色出來效果更蒼老。
楊卓娜:「人生最難演嘅戲」
楊卓娜透露拍攝初期,由於還處於摸索階段,角色妝頭花費時間超過兩小時;談到之前接受探班訪問時,直指今次角色無論妝容、動作及演戲均遇到很大挑戰,楊卓娜補充指「每一場戲都需要很大體力」,並驚嘆遇上了「人生最難嘅戲」:「啲情緒好似唧牙膏咁要唧晒出嚟,要唧到盡,好多場都要崩潰得嚟又自然,仲要對白好長,好難呀我覺得!」
楊卓娜笑言半夜收工嚇親鄰居
談到有網民指第一眼認不出她,楊卓娜笑言拍攝期間不少公司同事都「認佢唔到」,並謂曾試過夜媽媽收工嚇親鄰居:「因為我個妝好濃,啲頭髮又好似癲咗咁褸住個頭,真係試過嚇親鄰居。公司同事見到我都會呆一呆,覺得好surprise,好多時半夜三更break嘅時候,好多同事都要我出聲先至認到我,可能因為我鍾意耷低個頭嚟行。」