MC張天賦出場費幾錢？婚禮嘉賓唱3首歌網傳收呢個價 揭新娘背景原來好猛料
最近Threads洗版式瘋傳短片，有一對新人於結婚大日子，邀請到近年樂壇人氣最高的MC張天賦現身婚禮，更在台上開金口獻唱賀新人拉埋天窗，有傳今次MC出場費可能高達「呢個價」，甚至有人猜測明顯升呢「天王價」！
MC張天賦激罕現身婚禮獻唱
近日，社交平台Threads上瘋傳了一段婚宴短片，當紅歌手MC張天賦難得現身婚禮，為賓客獻唱。MC張天賦身穿筆挺黑色西裝，在瑰麗酒店的婚宴舞台上獻唱了《老派約會之必要》、《反對無效》和《世一》三首金曲。現場賓客們尖叫不斷，新娘子則全程甜笑投入，跟著唱歌。
▼▼點擊睇MC疑收呢個價？▼▼
有網民就爆料指這次演出是由新娘子的媽媽安排，令網民們紛紛留言稱：「呢個wedding 無得輸啦，新人So rich，請MC唱三首歌，聽聞係新娘子媽媽安排，真係世上只有媽媽好！」
傳MC張天賦唱3首歌要收7位數
MC張天賦難得現身婚宴獻唱，惹來網民熱烈討論，網民都紛紛猜測請郁MC張天賦要用幾多銀彈：「咁樣個人情真係回晒本！媽媽好有錢，請MC唱3首洗唔洗100萬而家？」、「MC唱3首歌上年都70萬起跳 ，今年100萬得唔得？」、「真係so rich，我上星期公司也請不到他，只請到餅碎細佬咋！」
一對新人背景不簡單
網民焦點隨即轉到這對新人的背景，有指新娘是珠寶品牌謝瑞麟家族的後人，難怪在瑰麗酒店擺酒仍能「天價」請到MC張天賦：「因為新娘係TSL謝瑞麟個孫」、「喺得Rosewood擺酒都有返咁上下家底，100萬對於佢哋嚟講可能只係少少錢，最緊要個女開心，有個難忘婚宴 ！」
MC張天賦取代方力申與鄧麗欣合唱《好心好報》
鄧麗欣（Stephy）一連三場「STEP by STEPHY鄧麗欣紅館演唱會2025」，其中在第二場演出，邀請曾合作電影《我談的那場戀愛》的張天賦（MC）擔任表演嘉賓，二人合唱《好心好報》，更完美還原電影中Stephy替MC打領帶調情戲，MC害羞得一秒耳紅，非常搞笑。
穿著白色Phan Huy SS25 高定 的Stephy與白馬王子look的MC，非常相襯。Stephy笑指MC耳仔發紅，MC說：「其實我好緊張，因為好少同你咁近距離，上次係拍戲打呔嗰陣，所以依家都有啲餘韻，好緊張！」他坦言綵排時見到Stephy高跟鞋好高，令他不敢靠近。
還原打領帶調情戲
Stephy對他說：「其實拍戲先至真正認識你，之前只係聽過你啲歌，知你唱歌好好聽⋯⋯」MC插咀：「我好早認識你！」Stephy無奈一笑。他說：「我每次演出最緊張係記歌詞，有時要靠提詞機，但今次合唱呢首歌我唔擔心，因為啲歌詞我好熟，我好自信可以望住你唱。」Stephy說：「唉，你講啦，細細個去唱K成日唱吖嘛，我畀你講，無所謂！」
MC不客氣，表示今次與Stephy合唱成就解鎖，完成兒時夢想！Stephy禮尚往來，送上領帶答謝他做嘉賓，更二話不說即場替他戴上，兩人非常靠近，幾乎面貼面，MC立即緊張到口窒窒，正當Stephy讚他沒有面紅時，他一秒耳紅。Stephy退場後，他不停用手撥風為耳朵降溫，說：「真係唔呃人，我一尷尬就耳仔紅。」然後演唱新歌《說謊者》。
甄子丹新戲由頭打到尾 MC張天賦親身上陣飛簷走壁
《誤判》由甄子丹與黃百鳴聯合監製，同時自導自演完成，甄子丹今次再度挑戰武打戲，預告可見由頭打到尾，拳拳到肉，非常震撼。雖然今次飾演一位檢察官，但身手仍然了得，其中地鐵的一場，更打到出車廂，果然為「宇宙最強」。
MC張天賦再度挑戰身份，今次據說甚至由甄子丹親自欽點MC張天賦演出，當中雖然戲份不多，不過親身上陣的飛簷走壁場面最令粉絲驚喜！張天賦飾演一位警察，即時引得一眾賦二代留言︰「阿Sir拉我啦！」。
港生活人氣娛樂新聞
【請您試用】敏感肌美白推薦面膜！
天然漢方溫和美白！位元堂珍珠美顏面膜粉～
全新功能《U GO》強勢登場🎉！
立即探索🔍本地熱門活動📍好去處🔔食玩買情報
